شہر پر رات کا شباب اترے — عشرت آفریں
شاعر
شہر پر رات کا شباب اترے
شہر پر رات کا شباب اترے
مجھ پہ تنہائی کا عذاب اترے
آنکھیں برسیں تو ٹوٹ کر برسیں
دھوپ اترے تو بے حساب اترے
ہم نئی فکر کے پیمبر ہیں
ہم پہ بھی اک نئی کتاب اترے
پسلیوں کے نحیف نیزوں پر
بھوک کے زرد آفتاب اترے
خوب تھا اہتمام دار و رسن
ہم وہاں سے بھی کامیاب اترے
شہر بہرا ہے لوگ پتھر ہیں
اب کے کس طور انقلاب اترے
آفریںؔ شعر وہ تو جھوٹے تھے
اب صداقت کا کوئی باب اترے
Shehar par raat ka shabab utre
Shehar par raat ka shabab utre
Mujh pe tanhai ka azaab utre
Aankhen barsin to toot kar barsin
Dhoop utre to be-hisab utre
Hum nayi fikr ke paighambar hain
Hum pe bhi ek nayi kitab utre
Pasliyon ke naheef nezon par
Bhook ke zard aftab utre
Khoob tha ehtemam-e-daar-o-rasan
Hum wahan se bhi kamyab utre
Shehar behra hai log patthar hain
Ab ke kis taur inquilab utre
Aafreen, sher wo to jhoote the
Ab sadaqat ka koi baab utre
شاعر کے بارے میں
عشرت آفرین، جن کا اصل نام عشرت جہان ہے، اردو ادب کی ایک ممتاز شاعرہ اور ادبی شخصیت ہیں۔ وہ 25 دسمبر 1956ء کو کراچی میں پیدا ہوئیں اور اپنے گھرانے م...
مکمل تعارف پڑھیں