وحشت سی وحشت ہوتی ہے — عشرت آفریں
شاعر
وحشت سی وحشت ہوتی ہے
وحشت سی وحشت ہوتی ہے
زندہ ہوں حیرت ہوتی ہے
جل بجھنے والوں سے پوچھو
غم کی کیا حدت ہوتی ہے
رہن نہ رکھ دینا بینائی
اس کی بھی مدت ہوتی ہے
سارے قرض چکا دینے کی
کبھی کبھی عجلت ہوتی ہے
دل اور جان کے سودے جو ہیں
ان میں کب حجت ہوتی ہے
خود سے جھوٹ کہاں تک بولیں
تھوڑی سی خفت ہوتی ہے
اپنے آپ سے ملنے میں بھی
اب کتنی دقت ہوتی ہے
خود سے باتیں کرنے کی بھی
اب کس کو فرصت ہوتی ہے
کچھ کہہ لو روکھی سوکھی میں
اپنے ہاں برکت ہوتی ہے
سونا سی مٹی کے گھر میں
کب ہم سے محنت ہوتی ہے
دھان ہمارے چڑیا کھائیں
چڑیوں کو عادت ہوتی ہوتی ہے
بچوں سے کیا شکوہ کرنا
مٹی میں الفت ہوتی ہے
سبز کواڑوں کی جھریوں میں
جگنو یا حیرت ہوتی ہے
ٹاٹ کے مٹ میلے پردوں میں
کیا اجلی رنگت ہوتی ہے
پھٹی پرانی سی چنری میں
کیا بھولی صورت ہوتی ہے
چاول کی پیلی روٹی میں
کیا سوندھی لذت ہوتی ہے
رلی کے ایک اک ٹانکے میں
پوروں کی چاہت ہوتی ہے
جاڑے اوڑھ کے سو جانے میں
کب کوئی زحمت ہوتی ہے
شام کو تیرا ہنس کر ملنا
دن بھر کی اجرت ہوتی ہے
Wahshat si wahshat hoti hai
Wahshat si wahshat hoti hai
Zinda hun hairat hoti hai
Jal bujhne walon se puchho
Gham ki kya hiddat hoti hai
Rahan na rakh dena binai
Us ki bhi muddat hoti hai
Sare qarz chuka dene ki
Kabhi kabhi ijlat hoti hai
Dil aur jaan ke saude jo hain
Un mein kab hujjat hoti hai
Khud se jhoot kahan tak bolen
Thodi si khiffat hoti hai
Apne aap se milne mein bhi
Ab kitni diqqat hoti hai
Khud se baaten karne ki bhi
Ab kis ko fursat hoti hai
Kuchh kah lo sukhi sukhi mein
Apne han barkat hoti hai
Sona si mitti ke ghar mein
Kab hum se mihnat hoti hai
Dhan hamare chidiya khayen
Chidiyon ko adat hoti hai
Bachchon se kya shikwa karna
Mitti mein ulfat hoti hai
Sabz kawaron ki jhuriyon mein
Jugnu ya hairat hoti hai
Tat ke mat-maile pardon mein
Kya uchhli rangat hoti hai
Phuti purani si chunri mein
Kya bholi surat hoti hai
Chawal ki peeli roti mein
Kya sondhi lazzat hoti hai
Rali ke ek ek tanke mein
Puron ki chahat hoti hai
Jade odh ke so jaane mein
Kab koi zehmat hoti hai
Sham ko tera hans kar milna
Din bhar ki ujrat hoti hai
شاعر کے بارے میں
عشرت آفرین، جن کا اصل نام عشرت جہان ہے، اردو ادب کی ایک ممتاز شاعرہ اور ادبی شخصیت ہیں۔ وہ 25 دسمبر 1956ء کو کراچی میں پیدا ہوئیں اور اپنے گھرانے م...
مکمل تعارف پڑھیں