خدا کہوں گا تمھیں، ناخدا کہوں گا تمھیں — جمیل الدین عالی
شاعر
خدا کہوں گا تمھیں، ناخدا کہوں گا تمھیں
خدا کہوں گا تمھیں، ناخدا کہوں گا تمھیں
پکارنا ہی پڑے گا تو کیا کہوں گا تمھیں
میری پسند میرے نام پر نہ حرف آئے
بہت حسیں بہت با وفا کہوں گا تمھیں
ہزار دوست ہیں، وجہِ ملال پوچھیں گے
سبب تو صرف تمھی ہو، میں کیا کہوں گا تمھیں
ابھی سے ذہن میں رکھنا نزاکتیں میری
کہ ہر نگاہِ کرم پر خفا کہوں گا تمھیں
ابھی سے اپنی بھی مجبوریوں کو سوچ رکھو
کہ تم ملو نہ ملو مدعا کہوں گا تمھیں
الجھ رہا ہے تو الجھے گروہِ تشبیہات
بس اور کچھ نہ کہوں گا ادا کہوں گا تمھیں
قسم شرافتِ فن کی کہ اب غزل میں کبھی
تمھارا نام نہ لوں گا صبا کہوں گا تمھیں
جمیل الدین عالی
Khuda kahunga tumhein, nakhuda kahunga tumhein
Khuda kahunga tumhein, nakhuda kahunga tumhein
Pukarna hi padega toh kya kahunga tumhein
Meri pasand mere naam par na harf aaye
Bahut haseen bahut ba-wafa kahunga tumhein
Hazaar dost hain, wajah-e-malal poochenge
Sabab toh sirf tumhi ho, main kya kahunga tumhein
Abhi se zehn mein rakhna nazakatein meri
Ke har nigah-e-karam par khafa kahunga tumhein
Abhi se apni bhi majbooriyon ko soch rakho
Ke tum milo na milo muddaa kahunga tumhein
Uljh raha hai toh uljhe giroh-e-tashbeehat
Bas aur kuch na kahunga ada kahunga tumhein
Qasam sharafat-e-fan ki ke ab ghazal mein kabhi
Tumhara naam na lunga saba kahunga tumhein
شاعر کے بارے میں
جمیل الدین عالی، جن کا اصل نام میرزا جمیل الدین احمد خان تھا، اردو کے ممتاز شاعر، نغمہ نگار، کالم نگار، دانشور اور قومی شعور کے علمبردار تھے۔ وہ 20 جنوری 1925ء کو دہلی میں ایک معزز اور ادبی خانوادے میں پیدا ہوئے۔ ان کے دادا نواب علا الدین احمد، مرزا غالب کے ہم عصر اور شاگرد تھے جبکہ والد سر امیر الدین احمد خان بھی علم و ادب سے وابستہ شخصیت تھے۔...
مکمل تعارف پڑھیں