آج پھر شاخ سے گرے پتے — کیف احمد صدیقی
شاعر
آج پھر شاخ سے گرے پتے
آج پھر شاخ سے گرے پتے
اور مٹی میں مل گئے پتے
جانے کس دشت کی تلاش میں ہیں
ریگزاروں میں چیختے پتے
کل جنہیں آسماں پہ دیکھا تھا
آج پاتال میں ملے پتے
اپنی آواز ہی سے خوف زدہ
شاخ در شاخ کانپتے پتے
مجھ کو اک برگ خشک بھی نہ ملا
اب کہاں باغ میں ہرے پتے
سارے گلشن کو دے گئے سونا
اور خود خاک بن گئے پتے
کیفؔ ویرانیٔ گلستاں بھی
بعض اوقات لے اڑے پتے
Aaj phir shaakh se gire patte
Aaj phir shaakh se gire patte
Aur mitti mein mil gaye patte
Jaane kis dasht ki talaash mein hain
regzaaron mein cheekhte patte
Kal jinhein aasmaan pe dekha tha
aaj pataal mein mile patte
Apni aawaaz hi se khaufzada
shaakh dar shaakh kaanpte patte
Mujh ko ik barg-e-khushk bhi na mila
ab kahan baagh mein hare patte
Saare gulshan ko de gaye sona
aur khud khaak ban gaye patte
Kaif! veerani-e-gulistaan bhi
baaz auqaat le ude patte
شاعر کے بارے میں
کیف احمد صدیقی، جن کا اصل نام احتشام علی صدیقی تھا، اردو ادب کے ایک سنجیدہ اور معتبر شاعر تھے۔ وہ 12 جنوری 1943ء کو سیتا پور، اتر پردیش میں پیدا ہو...
مکمل تعارف پڑھیں