چاند — کیف احمد صدیقی
شاعر
چاند
چاند پہلے بھی خوب صورت تھا
آج بھی چاند خوب صورت ہے
لوگ کہتے ہیں چاند کے اندر
ہر طرف ہے مہیب ویرانی
ہر قدم پر بھڑکتے جوالا مکھی
ہر طرف ریت کی فراوانی
ایک بھی چیز فائدے کی نہیں
کیا ہوا کیا اناج کیا پانی
چاند باطن میں بد نما ہی سہی
ظاہراً اک حسین مورت ہے
چاند پہلے بھی خوب صورت تھا
آج بھی چاند خوب صورت ہے
لوگ کہتے ہیں چاند کے اندر
ہر طرف اک گھنا اندھیرا ہے
یہ تو سورج سے روشنی لے کر
صورت آئنہ چمکتا ہے
دنیا والوں کے واسطے لیکن
اب بھی یہ اک حسین جلوہ ہے
چاند کی پہلے بھی ضرورت تھی
آج بھی چاند کی ضرورت ہے
چاند پہلے بھی خوب صورت تھا
آج بھی چاند خوب صورت ہے
Chaand
Chaand pehle bhi khoobsoorat tha
Aaj bhi chaand khoobsoorat hai
Log kehte hain chaand ke andar
har taraf hai muheeb veerani
Har qadam par bhadakte jwala mukhi
har taraf reit ki farawani
Ek bhi cheez fayde ki nahin
kya hawa kya anaaj kya paani
Chaand baatin mein badnuma hi sahi
zaahiran ik haseen moorat hai
Chaand pehle bhi khoobsoorat tha
Aaj bhi chaand khoobsoorat hai
Log kehte hain chaand ke andar
har taraf ik ghana andhera hai
Yeh toh suraj se roshni le kar
soorat-e-aaina chamakta hai
Duniya walon ke waste lekin
ab bhi yeh ik haseen jalwa hai
Chaand ki pehle bhi zaroorat thi
Aaj bhi chaand ki zaroorat hai
Chaand pehle bhi khoobsoorat tha
Aaj bhi chaand khoobsoorat hai
شاعر کے بارے میں
کیف احمد صدیقی، جن کا اصل نام احتشام علی صدیقی تھا، اردو ادب کے ایک سنجیدہ اور معتبر شاعر تھے۔ وہ 12 جنوری 1943ء کو سیتا پور، اتر پردیش میں پیدا ہو...
مکمل تعارف پڑھیں