دریا کی موج ہی میں نہیں اضطراب ہے — کیف احمد صدیقی
شاعر
دریا کی موج ہی میں نہیں اضطراب ہے
دریا کی موج ہی میں نہیں اضطراب ہے
سنگ رواں کے دل میں بھی اک زخم آب ہے
ہر فرد آج ٹوٹتے لمحوں کے شور میں
عصر رواں کی جاگتی آنکھوں کا خواب ہے
وہ خود ہی اپنی آگ میں جل کر فنا ہوا
جس سائے کی تلاش میں یہ آفتاب ہے
اب کوئی نصف دام پہ بھی پوچھتا نہیں
یہ زندگی نصاب سے خارج کتاب ہے
پلکوں پہ آج نیند کی کرچیں بکھر گئیں
شیشے کی آنکھ میں کوئی پتھر کا خواب ہے
اے کیفؔ نا قدوں کے تعصب کے باوجود
میرا ہر ایک شعر ادب کی کتاب ہے
Darya ki mauj hi mein nahin iztiraab hai
Darya ki mauj hi mein nahin iztiraab hai
Sang-e-rawaan ke dil mein bhi ek zakhm-e-aab hai
Har fard aaj toot'te lamhon ke shor mein
Asr-e-rawaan ki jaagti aankhon ka khwab hai
Woh khud hi apni aag mein jal kar fana hua
Jis saaye ki talaash mein yeh aaftaab hai
Ab koi nisf-e-daam pe bhi poochhta nahin
Yeh zindagi nisaab se khaarij kitaab hai
Palkon pe aaj neend ki kirchiyan bikhar gayin
Sheeshe ki aankh mein koi patthar ka khwab hai
Aye Kaif na-qadon ke ta'assub ke ba-wajood
Mera har ek sher adab ki kitaab hai
شاعر کے بارے میں
کیف احمد صدیقی، جن کا اصل نام احتشام علی صدیقی تھا، اردو ادب کے ایک سنجیدہ اور معتبر شاعر تھے۔ وہ 12 جنوری 1943ء کو سیتا پور، اتر پردیش میں پیدا ہو...
مکمل تعارف پڑھیں