اک سانپ مجھ کو چوم کے تریاق دے گیا — کیف احمد صدیقی
شاعر
اک سانپ مجھ کو چوم کے تریاق دے گیا
اک سانپ مجھ کو چوم کے تریاق دے گیا
لیکن وہ اپنے ساتھ مرا زہر لے گیا
اکثر بدن کی قید سے آزاد ہو کے بھی
اپنا ہی عکس دور سے میں دیکھنے گیا
دنیا کا ہر لباس پہننا پڑا اسے
اک شخص جب نکل کے مرے جسم سے گیا
ایسی جگہ کہ موت بھی ڈر جائے دیکھ کر
میں خود کو زندگی سے بہت دور لے گیا
محسوس ہو رہا ہے کہ میں خود سفر میں ہوں
جس دن سے ریل پر میں تجھے چھوڑنے گیا
کتنی سبک سی آج مرے گھر کی شام تھی
میں فائلوں کا بوجھ اٹھائے ہوئے گیا
اشعار کا نزول ہے خالی دماغ میں
اے کیفؔ تو نہ جانے کہاں چھوڑنے گیا
Ik saamp mujh ko choom ke tiryaq de gaya
Ik saamp mujh ko choom ke tiryaq de gaya
Lekin woh apne saath mera zehar le gaya
Aksar badan ki qaid se azaad ho ke bhi
apna hi aks door se main dekhne gaya
Duniya ka har libaas pehanna pada use
ik shakhs jab nikal ke mere jism se gaya
Aisi jagah ke maut bhi dar jaaye dekh kar
main khud ko zindagi se bohat door le gaya
Mehsoos ho raha hai ke main khud safar mein hoon
jis din se rail par main tujhe chhodne gaya
Kitni subuk si aaj mere ghar ki shaam thi
main files ka bojh uthaye hue gaya
Ash'aar ka nuzool hai khaali dimaagh mein
Ae Kaif! tu na jaane kahan chhodne gaya
شاعر کے بارے میں
کیف احمد صدیقی، جن کا اصل نام احتشام علی صدیقی تھا، اردو ادب کے ایک سنجیدہ اور معتبر شاعر تھے۔ وہ 12 جنوری 1943ء کو سیتا پور، اتر پردیش میں پیدا ہو...
مکمل تعارف پڑھیں