جو صدا گونجتی تھی کانوں میں — کیف احمد صدیقی
شاعر
جو صدا گونجتی تھی کانوں میں
جو صدا گونجتی تھی کانوں میں
منجمد ہو گئی زبانوں میں
لمحہ لمحہ پگھل رہی ہے حیات
خواب کی یخ زدہ چٹانوں میں
کتنے جذبات ہو گئے آہن
ان مشینوں کے کارخانوں میں
شہد کا گھونٹ بن گیا ہوگا
ذائقہ زہر کا زبانوں میں
خامشی بھوت بن کے رہتی ہے
آج انسان کے مکانوں میں
اک حسیں پھول بن کے گرتی ہے
برق بھی میرے آشیانوں میں
فن کو نیلام کر دیا آخر
کیفؔ لوگوں نے چند آنوں میں
Jo sada goonjti thi kaanon mein
Jo sada goonjti thi kaanon mein
munjamid ho gai zabaanon mein
Lamha lamha pighal rahi hai hayat
khwaab ki yakh zada chataanon mein
Kitne jazbaat ho gaye aahan
in mashinon ke karkhanon mein
Shehad ka ghoont ban gaya hoga
zaaiqa zehar ka zabaanon mein
Khamoshi bhoot ban ke rehti hai
aaj insaan ke makaanon mein
Ik haseen phool ban ke girti hai
barq bhi mere aashiyanon mein
Fun ko neelam kar diya aakhir
Kaif! logon ne chand aanon mein
شاعر کے بارے میں
کیف احمد صدیقی، جن کا اصل نام احتشام علی صدیقی تھا، اردو ادب کے ایک سنجیدہ اور معتبر شاعر تھے۔ وہ 12 جنوری 1943ء کو سیتا پور، اتر پردیش میں پیدا ہو...
مکمل تعارف پڑھیں