نام لکھا لیا تو پھر کرتے ہو ہائے ہائے کیوں — کیف احمد صدیقی
شاعر
نام لکھا لیا تو پھر کرتے ہو ہائے ہائے کیوں
نام لکھا لیا تو پھر کرتے ہو ہائے ہائے کیوں
پڑھنا نہ تھا تمہیں اگر درجے میں پڑھنے آئے کیوں
کیونکر ہم امتحان دیں سوئیں گے جا کے باغ میں
پڑھنے کو آدھی رات تک کوئی ہمیں جگائے کیوں
بیٹھے ہیں اپنی سیٹ پر کیسے بھگائیں ماسٹر
آئے ہیں دے کے فیس ہم کوئی ہمیں بھگائے کیوں
چیخیں گے خوب ہم یہاں چاہے خفا ہوں میہماں
نفرت ہو جس کو شور سے گھر میں ہمارے آئے کیوں
کوئی پڑوسی تنگ ہو چاہے کسی سے جنگ ہو
گھر ہے یہ اپنے باپ کا کوئی ہمیں چپائے کیوں
کانا خدا نے کر دیا اس میں ہے اپنی کیا خطا
گالی بکیں گے خوب ہم کوئی ہمیں چڑائے کیوں
دیکھو تو پیٹ بن گیا آخر غبارہ گیس کا
کھاتے ہو اتنا گوشت کیوں پیتے ہو اتنی چائے کیوں
ساتھی ہوں یا اساتذہ آئے کسی کو کیا مزہ
درجے میں کوئی بے محل کیفؔ کی غزلیں گائے کیوں
Naam likha liya to phir karte ho haaye haaye kyon
Naam likha liya to phir karte ho haaye haaye kyon
Padhna na tha tumhein agar darje mein padhne aaye kyon
Kyonkar hum imtihan dein soyenge ja ke baagh mein
Padhne ko aadhi raat tak koi hamein jagaaye kyon
Baithe hain apni seat par kaise bhagaayein master
Aaye hain de ke fees hum koi hamein bhagaaye kyon
Cheekhenge khoob hum yahaan chaahe khafa hon mehmaan
Nafrat ho jis ko shor se ghar mein hamaare aaye kyon
Koi padosi tang ho chaahe kisi se jung ho
Ghar hai yeh apne baap ka koi hamein chupaaye kyon
Kaana khuda ne kar diya is mein hai apni kya khata
Gaali bakein ge khoob hum koi hamein chadhaye kyon
Dekho to pet ban gaya aakhir gubaara gas ka
Khaate ho itna gosht kyon peete ho itni chaaye kyon
Saathi hon ya asatiza aaye kisi ko kya maza
Darje mein koi be mahal Kaif ki ghazlein gaaye kyon
شاعر کے بارے میں
کیف احمد صدیقی، جن کا اصل نام احتشام علی صدیقی تھا، اردو ادب کے ایک سنجیدہ اور معتبر شاعر تھے۔ وہ 12 جنوری 1943ء کو سیتا پور، اتر پردیش میں پیدا ہو...
مکمل تعارف پڑھیں