بیمار محبت کی دوا ہے کہ نہیں ہے — کیف بھوپالی
شاعر
بیمار محبت کی دوا ہے کہ نہیں ہے
بیمار محبت کی دوا ہے کہ نہیں ہے
میرے کسی پہلو میں قضا ہے کہ نہیں ہے
سنتا ہوں اک آہٹ سی برابر شب وعدہ
جانے ترے قدموں کی صدا ہے کہ نہیں ہے
سچ ہے کہ محبت میں ہمیں موت نے مارا
کچھ اس میں تمہاری بھی خطا ہے کہ نہیں ہے
مت دیکھ کہ پھرتا ہوں ترے ہجر میں زندہ
یہ پوچھ کہ جینے میں مزہ ہے کہ نہیں ہے
یوں ڈھونڈتے پھرتے ہیں مرے بعد مجھے وہ
وہ کیفؔ کہیں تیرا پتہ ہے کہ نہیں ہے
Bimar-e-mohabbat ki dawa hai ke nahin hai
Bimar-e-mohabbat ki dawa hai ke nahin hai
Mere kisi pehlu mein qaza hai ke nahin hai
Sunta hoon ik aahat si barabar shab-e-wada
Jaane tere qadmon ki sada hai ke nahin hai
Sach hai ke mohabbat mein hamein maut ne mara
Kuch is mein tumhari bhi khata hai ke nahin hai
Mat dekh ke phirta hoon tere hijr mein zinda
Yeh pooch ke jeene mein maza hai ke nahin hai
Yun dhoondhte phirte hain mere baad mujhe woh
Woh Kaif kahin tera pata hai ke nahin hai
شاعر کے بارے میں
کیف بھوپالی اردو ادب کے اُن معتبر اور باوقار شعرا میں شمار ہوتے ہیں جنہوں نے اپنی سادہ مگر اثر انگیز شاعری سے اہلِ ذوق کے دلوں میں مستقل جگہ بنائی۔...
مکمل تعارف پڑھیں