تہذیب کا ہے حکم ،،، کہ بازارِ عام میں — کیف بھوپالی
شاعر
تہذیب کا ہے حکم ،،، کہ بازارِ عام میں
تہذیب کا ہے حکم ،،، کہ بازارِ عام میں
کپڑوں پہ کوئی خاک اُڑا دے تو چُپ رہو
گالی جو کوئی دے تو پلٹ کر نہ دیکھنا
ٹوپی اُتار کر جو بھگا دے تو چُپ رہو
مذہب کا حکم ہے ،،، کہ عمل نیک ہو تِرا
نیکی میں تیری جان بھی جائے ، تو صبر کر
بچّے کو تیرے جب کہ نہ ھڈی بھی ہو نصِیب
کتّا کوئی پُلاؤ بھی کھائے ، تو صبر کر
قانون کا ہے حکم ،،، کہ بھیڑیں بنے رہو
حدِ اَدب سے پاؤں بڑھایا ، تو جُرم ہے
حق ہے مہاجنوں کا ، ستاتے رہیں تو ٹھیک
لیکن ،،، کِسی نے اُن کو ستایا ، تو جُرم ہے
فطرت کا حکم ہے ،،، کہ بھرو پیٹ ہر طرح
کھاتے ہُوئے کے مُنہ کا نِوالہ ہی کیوں نہ ہو
سر توڑ کر وصُول کرو بُھوک کا خراج
کوئی پٹھان ، یا کوئی لالہ ہی کیوں نہ ہو
جب ہاتھ تنگ ہو تو گھروں میں اتر پڑو
تاریک رات ، دِن کا اُجالا ہی کیوں نہ ہو
دَھکّا جو کوئی دے تو گِرا دو زمین پر
رشکِ صنوبر و قدِ بالا ہی کیوں نہ ہو
گالی جو کوئی دے تو زباں کھینچ لِیجئے
چاہے کِسی رئیس کا سالا ہی کیوں نہ ہو
ہر ظُلم کا جواب تشدد سے دِیجئے
اس کا ہدف خُود افسرِ اعلیٰ ہی کیوں نہ ہو
اے آدمی پُکار تُجھے کیا پسند ہے
وَرنہ پھر آج سے درِ تقدیر بند ہے
Tehzeeb ka hai hukm,,, ke bazaar-e-aam mein
Tehzeeb ka hai hukm,,, ke bazaar-e-aam mein
Kapdon pe koi khaak uda de to chup raho
Gaali jo koi de to palat kar na dekhna
Topi utaar kar jo bhaga de to chup raho
Mazhab ka hukm hai,,, ke amal nek ho tera
Neki mein teri jaan bhi jaaye, to sabr kar
Bachche ko tere jab ke na haddi bhi ho naseeb
Kutta koi pulao bhi khaaye, to sabr kar
Qanoon ka hai hukm,,, ke bheden bane raho
Hadd-e-adab se paaon badhaya, to jurm hai
Haq hai mahajanon ka, satate rahen to theek
Lekin,,, kisi ne un ko sataya, to jurm hai
Fitrat ka hukm hai,,, ke bharo pet har tarah
Khaate hue ke munh ka niwala hi kyun na ho
Sar tod kar wusool karo bhook ka khiraj
Koi Pathan, ya koi Lala hi kyun na ho
Jab haath tang ho to gharon mein utar pado
Tareek raat, din ka ujala hi kyun na ho
Dhakka jo koi de to gira do zameen par
Rashk-e-sanobar-o-qad-e-bala hi kyun na ho
Gaali jo koi de to zubaan kheench leejiye
Chaahe kisi raees ka saala hi kyun na ho
Har zulm ka jawab tashaddud se deejiye
Is ka hadaf khud afsar-e-aala hi kyun na ho
Aye aadmi pukar tujhe kya pasand hai
Warna phir aaj se dar-e-taqdeer band hai
شاعر کے بارے میں
کیف بھوپالی اردو ادب کے اُن معتبر اور باوقار شعرا میں شمار ہوتے ہیں جنہوں نے اپنی سادہ مگر اثر انگیز شاعری سے اہلِ ذوق کے دلوں میں مستقل جگہ بنائی۔...
مکمل تعارف پڑھیں