داغ دنیا نے دیے زخم زمانے سے ملے — کیف بھوپالی
شاعر
داغ دنیا نے دیے زخم زمانے سے ملے
داغ دنیا نے دیے زخم زمانے سے ملے
ہم کو تحفے یہ تمہیں دوست بنانے سے ملے
ہم ترستے ہی ترستے ہی ترستے ہی رہے
وہ فلانے سے فلانے سے فلانے سے ملے
خود سے مل جاتے تو چاہت کا بھرم رہ جاتا
کیا ملے آپ جو لوگوں کے ملانے سے ملے
ماں کی آغوش میں کل موت کی آغوش میں آج
ہم کو دنیا میں یہ دو وقت سہانے سے ملے
کبھی لکھوانے گئے خط کبھی پڑھوانے گئے
ہم حسینوں سے اسی حیلے بہانے سے ملے
اک نیا زخم ملا ایک نئی عمر ملی
جب کسی شہر میں کچھ یار پرانے سے ملے
ایک ہم ہی نہیں پھرتے ہیں لیے قصۂ غم
ان کے خاموش لبوں پر بھی فسانے سے ملے
کیسے مانیں کہ انہیں بھول گیا تو اے کیفؔ
ان کے خط آج ہمیں تیرے سرہانے سے ملے
Daagh duniya ne diye zakhm zamane se mile
Daagh duniya ne diye zakhm zamane se mile
Hum ko tohfe yeh tumhein dost banane se mile
Hum taraste hi taraste hi taraste hi rahe
Woh falaney se falaney se falaney se mile
Khud se mil jaate to chahat ka bharam reh jata
Kya mile aap jo logon ke milane se mile
Maan ki aaghosh mein kal maut ki aaghosh mein aaj
Hum ko duniya mein yeh do waqt suhane se mile
Kabhi likhwane gaye khat kabhi padhwane gaye
Hum haseenon se isi heele bahane se mile
Ek naya zakhm mila ek nayi umar mili
Jab kisi shehar mein kuch yaar purane se mile
Ek hum hi nahin phirte hain liye qisse-e-gham
Un ke khamosh labon par bhi fasaney se mile
Kaise manen ke unhein bhool gaya tu aye Kaif
Un ke khat aaj hamein tere sirhane se mile
شاعر کے بارے میں
کیف بھوپالی اردو ادب کے اُن معتبر اور باوقار شعرا میں شمار ہوتے ہیں جنہوں نے اپنی سادہ مگر اثر انگیز شاعری سے اہلِ ذوق کے دلوں میں مستقل جگہ بنائی۔...
مکمل تعارف پڑھیں