در و دیوار پہ شکلیں سی بنانے آئی — کیف بھوپالی
شاعر
در و دیوار پہ شکلیں سی بنانے آئی
در و دیوار پہ شکلیں سی بنانے آئی
پھر یہ بارش میری تنہائی چرانے آئی
زندگی باپ کی مانند سزا دیتی ہے
رحم دل ماں کی طرح موت بچانے آئی
آج کل پھر دل برباد کی باتیں ہیں وہی
ہم تو سمجھے تھے کہ کچھ عقل ٹھکانے آئی
دل میں آہٹ سی ہوئی روح میں دستک گونجی
کس کی خوش بو یہ مجھے میرے سرہانے آئی
میں نے جب پہلے پہل اپنا وطن چھوڑا تھا
دور تک مجھ کو اک آواز بلانے آئی
تیری مانند تری یاد بھی ظالم نکلی
جب بھی آئی ہے مرا دل ہی دکھانے آئی
Dar-o-deewar pe shaklein si banane aayi
Dar-o-deewar pe shaklein si banane aayi
Phir ye barish meri tanhai churane aayi
Zindagi baap ki manind saza deti hai
Raham-dil maa'n ki tarah maut bachane aayi
Aaj kal phir dil barbaad ki baatein hain wahi
Hum to samjhe the ke kuch aqal thikane aayi
Dil mein aahat si hui rooh mein dastak goonji
Kis ki khushboo ye mujhe mere sirhane aayi
Main ne jab pehle pehal apna watan chhoda tha
Door tak mujh ko ik awaaz bulane aayi
Teri manind teri yaad bhi zaalim nikli
Jab bhi aayi hai mera dil hi dukhane aayi
شاعر کے بارے میں
کیف بھوپالی اردو ادب کے اُن معتبر اور باوقار شعرا میں شمار ہوتے ہیں جنہوں نے اپنی سادہ مگر اثر انگیز شاعری سے اہلِ ذوق کے دلوں میں مستقل جگہ بنائی۔...
مکمل تعارف پڑھیں