جس پہ تری شمشیر نہیں ہے — کیف بھوپالی
شاعر
جس پہ تری شمشیر نہیں ہے
جس پہ تری شمشیر نہیں ہے
اس کی کوئی توقیر نہیں ہے
اس نے یہ کہہ کر پھیر دیا خط
خون سے کیوں تحریر نہیں ہے
زخم جگر میں جھانک کے دیکھو
کیا یہ تمہارا تیر نہیں ہے
زخم لگے ہیں کھلنے گلچیں
یہ تو تری جاگیر نہیں ہے
شہر میں یوم امن ہے واعظ
آج تری تقریر نہیں ہے
اودی گھٹا تو واپس ہو جا
آج کوئی تدبیر نہیں ہے
شہر محبت کا یوں اجڑا
دور تلک تعمیر نہیں ہے
اتنی حیا کیوں آئینے سے
یہ تو مری تصویر نہیں ہے
Jis pe teri shamsheer nahin hai
Jis pe teri shamsheer nahin hai
Us ki koi tauqeer nahin hai
Us ne yeh keh kar pher diya khat
Khoon se kyon tehreer nahin hai
Zakhm-e-jigar mein jhaank ke dekho
Kya yeh tumhara teer nahin hai
Zakhm lage hain khulne gulcheen
Yeh to teri jaageer nahin hai
Shehar mein yaum-e-amn hai waaiz
Aaj teri taqreer nahin hai
Oodi ghata tu waapas ho ja
Aaj koi tadbeer nahin hai
Shehar-e-mohabbat ka yoon ujda
Door talak taameer nahin hai
Itni haya kyon aaine se
Yeh to meri tasveer nahin hai
شاعر کے بارے میں
کیف بھوپالی اردو ادب کے اُن معتبر اور باوقار شعرا میں شمار ہوتے ہیں جنہوں نے اپنی سادہ مگر اثر انگیز شاعری سے اہلِ ذوق کے دلوں میں مستقل جگہ بنائی۔...
مکمل تعارف پڑھیں