نہ آیا مزہ شب کی تنہائیوں میں — کیف بھوپالی
شاعر
نہ آیا مزہ شب کی تنہائیوں میں
نہ آیا مزہ شب کی تنہائیوں میں
سحر ہو گئی چند انگڑائیوں میں
نہ رنگینیوں میں نہ رعنائیوں میں
نظر گھر گئی اپنی پرچھائیوں میں
مجھے مسکرا مسکرا کر نہ دیکھو
مرے ساتھ تم بھی ہو رسوائیوں میں
غضب ہو گیا ان کی محفل سے آنا
گھرا جا رہا ہوں تماشائیوں میں
محبت ہے یا آج ترک محبت
ذرا مل تو جائیں وہ تنہائیوں میں
ادھر آؤ تم کو نظر لگ نہ جائے
چھپا لوں تمہیں دل کی گہرائیوں میں
ارے سننے والو یہ نغمے نہیں ہیں
مرے دل کی چیخیں ہیں شہنائیوں میں
وہ اے کیفؔ جس دن سے میرے ہوئے ہیں
تو سارا زمانہ ہے شیدائیوں میں
Na aaya maza shab ki tanhaiyon mein
Na aaya maza shab ki tanhaiyon mein
Sahar ho gayi chand angdaiyon mein
Na ranginiyon mein na raanaiyon mein
Nazar ghar gayi apni parchhaiyon mein
Mujhe muskura muskura kar na dekho
Mere saath tum bhi ho ruswaiyon mein
Ghazab ho gaya un ki mehfil se aana
Ghira ja raha hoon tamashaiyon mein
Mohabbat hai ya aaj tark-e-mohabbat
Zara mil to jaayen woh tanhaiyon mein
Idhar aao tum ko nazar lag na jaaye
Chhupa loon tumhein dil ki gehraiyon mein
Arre sunne walo yeh naghme nahin hain
Mere dil ki cheekhein hain shehnaiyon mein
Woh aye Kaif jis din se mere hue hain
To sara zamana hai shaidaaiyon mein
شاعر کے بارے میں
کیف بھوپالی اردو ادب کے اُن معتبر اور باوقار شعرا میں شمار ہوتے ہیں جنہوں نے اپنی سادہ مگر اثر انگیز شاعری سے اہلِ ذوق کے دلوں میں مستقل جگہ بنائی۔...
مکمل تعارف پڑھیں