صرف اتنے جرم پر ہنگامہ ہوتا جائے ہے — کیف بھوپالی
شاعر
صرف اتنے جرم پر ہنگامہ ہوتا جائے ہے
صرف اتنے جرم پر ہنگامہ ہوتا جائے ہے
تیرا دیوانہ تری گلیوں میں دیکھا جائے ہے
آپ کس کس کو بھلا سولی چڑھاتے جائیں گے
اب تو سارا شہر ہی منصور بنتا جائے ہے
دلبروں کے بھیس میں پھرتے ہیں چوروں کے گروہ
جاگتے رہیو کہ ان راتوں میں لوٹا جائے ہے
تیرا مے خانہ ہے یا خیرات خانہ ساقیا
اس طرح ملتا ہے بادہ جیسے بخشا جائے ہے
مے کشو آگے بڑھو تشنہ لبو آگے بڑھو
اپنا حق مانگا نہیں جاتا ہے چھینا جائے ہے
موت آئی اور تصور آپ کا رخصت ہوا
جیسے منزل تک کوئی رہ رو کو پہونچا جائے ہے
Sirf itne jurm par hangama hota jaaye hai
Sirf itne jurm par hangama hota jaaye hai
Tera deewana teri galiyon mein dekha jaaye hai
Aap kis kis ko bhala sooli chadhaate jaayenge
Ab to saara shehar hi Mansoor banta jaaye hai
Dilbaron ke bhes mein phirte hain choron ke giroh
Jaagte rahiyo ke in raaton mein loota jaaye hai
Tera mai-khana hai ya khairaat-khana saaqiya
Is tarah milta hai baada jaise bakhsha jaaye hai
Maikasho aage badho tishna-labo aage badho
Apna haq maanga nahin jaata hai chheena jaaye hai
Maut aayi aur tasawwur aap ka rukhsat hua
Jaise manzil tak koi reh-rau ko pohncha jaaye hai
شاعر کے بارے میں
کیف بھوپالی اردو ادب کے اُن معتبر اور باوقار شعرا میں شمار ہوتے ہیں جنہوں نے اپنی سادہ مگر اثر انگیز شاعری سے اہلِ ذوق کے دلوں میں مستقل جگہ بنائی۔...
مکمل تعارف پڑھیں