تیرا چہرہ صبح کا تارا لگتا ہے — کیف بھوپالی
شاعر
تیرا چہرہ صبح کا تارا لگتا ہے
تیرا چہرہ صبح کا تارا لگتا ہے
صبح کا تارا کتنا پیارا لگتا ہے
تم سے مل کر املی میٹھی لگتی ہے
تم سے بچھڑ کر شہد بھی کھارا لگتا ہے
رات ہمارے ساتھ تو جاگا کرتا ہے
چاند بتا تو کون ہمارا لگتا ہے
کس کو خبر یہ کتنی قیامت ڈھاتا ہے
یہ لڑکا جو اتنا بیچارہ لگتا ہے
تتلی چمن میں پھول سے لپٹی رہتی ہے
پھر بھی چمن میں پھول کنوارا لگتا ہے
کیفؔ وہ کل کا کیفؔ کہاں ہے آج میاں
یہ تو کوئی وقت کا مارا لگتا ہے
Tera chehra subah ka taara lagta hai
Tera chehra subah ka taara lagta hai
Subah ka taara kitna pyara lagta hai
Tum se mil kar imli meethi lagti hai
Tum se bichhad kar shehad bhi khara lagta hai
Raat hamare saath tu jaaga karta hai
Chand bata tu kaun hamara lagta hai
Kis ko khabar ye kitni qayamat dhata hai
Ye ladka jo itna bechara lagta hai
Titli chaman mein phool se lipti rehti hai
Phir bhi chaman mein phool kunwara lagta hai
Kaif wo kal ka Kaif kahan hai aaj miyan
Ye to koi waqt ka mara lagta hai
شاعر کے بارے میں
کیف بھوپالی اردو ادب کے اُن معتبر اور باوقار شعرا میں شمار ہوتے ہیں جنہوں نے اپنی سادہ مگر اثر انگیز شاعری سے اہلِ ذوق کے دلوں میں مستقل جگہ بنائی۔...
مکمل تعارف پڑھیں