اتنا تو زندگی میں کسی کے خلل پڑے — کیفی اعظمی
شاعر
اتنا تو زندگی میں کسی کے خلل پڑے
اتنا تو زندگی میں کسی کے خلل پڑے
ہنسنے سے ہو سکون نہ رونے سے کل پڑے
جس طرح ہنس رہا ہوں میں پی پی کے گرم اشک
یوں دوسرا ہنسے تو کلیجہ نکل پڑے
اک تم کہ تم کو فکر نشیب و فراز ہے
اک ہم کہ چل پڑے تو بہرحال چل پڑے
ساقی سبھی کو ہے غم تشنہ لبی مگر
مے ہے اسی کی نام پہ جس کے ابل پڑے
مدت کے بعد اس نے جو کی لطف کی نگاہ
جی خوش تو ہو گیا مگر آنسو نکل پڑے
Itna to zindagi mein kisi ke khalal pade
Hansne se ho sakoon na rone se kal pade
Jis tarah hans raha hun main pee pee ke garm ashk
Yun doosra hanse to kaleeja nikal pade
Ek tum ke tum ko fikr-e-nasheb-o-faraz hai
Ek hum ke chal pade to behar-haal chal pade
Saqi sabhi ko hai gham-e-tashna-labi magar
Mai hai isi ki naam pe jis ke ubal pade
Muddat ke baad usne jo ki lutf ki nigah
Jee khush to ho gaya magar aansu nikal pade
شاعر کے بارے میں
کیفی اعظمی (اصل نام: سیّد اطہر حسین رضوی) اردو ادب کے ان درخشاں ستاروں میں شمار ہوتے ہیں جنہوں نے شاعری، نغمہ نگاری اور فکری جدوجہد کو یکجا کر کے ا...
مکمل تعارف پڑھیں