لب لعل پہ مرتعش مرتعش سے — کیفی اعظمی
شاعر
لب لعل پہ مرتعش مرتعش سے
لب لعل پہ مرتعش مرتعش سے
یہ کچھ سمٹی سمٹی سی ہونٹوں کی لالی
یہ کچھ بہکی بہکی سی سفاک نظریں
یہ کچھ سہمی سہمی سی فرخندہ حالی
یہ کچھ الجھے الجھے پریشاں تخیل
یہ کچھ بھٹکی بھٹکی سی روشن خیالی
یہ کچھ روٹھے روٹھے سے جذبات الفت
نہ شوخی نہ عشوئے، نہ شیریں مقالی
مرے حسب وعدہ نہ آنے سے شائد
ہوئی حسرت و شوق کی پائمالی
نہ کر اب خدا را زیادہ پشیماں
کہ آخر ہوں اک شاعر لاابالی
کیفی اعظمی
Lab-e-la'l pe murta'ish murta'ish se
Lab-e-la'l pe murta'ish murta'ish se
Ye kuchh simṭī simṭī sī hoñṭoñ kī lāalī
Ye kuchh bahkī bahkī sī saffāk nazreñ
Ye kuchh sehmī sehmī sī farḳhunda hālī
Ye kuchh uljhe uljhe pareshān taḳhayyul
Ye kuchh bhaṭkī bhaṭkī sī raushan ḳhayālī
Ye kuchh rūThe rūThe se jazbāt-e-ulfat
Na shoḳhī na ishva, na shīrīñ maqālī
Mere hasb-e-va'da na aane se shāyad
Huī hasrat-o-shauq kī pāmālī
Na kar ab ḳhudā rā ziyāda pashīmāñ
Ki āḳhir hūñ ik shā'ir-e-lābālī
شاعر کے بارے میں
کیفی اعظمی (اصل نام: سیّد اطہر حسین رضوی) اردو ادب کے ان درخشاں ستاروں میں شمار ہوتے ہیں جنہوں نے شاعری، نغمہ نگاری اور فکری جدوجہد کو یکجا کر کے ایک بھرپور ادبی و سماجی روایت قائم کی۔ وہ 14 جنوری 1919ء کو مجواں، ضلع اعظم گڑھ (اترپردیش) میں ایک مذہبی زمیندار گھرانے میں پیدا ہوئے۔ کم عمری ہی سے شعر و ادب سے شغف تھا اور صرف 11 برس کی عمر میں پہلی ...
مکمل تعارف پڑھیں