کہیں سے لوٹ کے ہم لڑکھڑائے ہیں کیا کیا — کیفی اعظمی
شاعر
کہیں سے لوٹ کے ہم لڑکھڑائے ہیں کیا کیا
کہیں سے لوٹ کے ہم لڑکھڑائے ہیں کیا کیا
ستارے زیر قدم رات آئے ہیں کیا کیا
نشیب ہستی سے افسوس ہم ابھر نہ سکے
فراز دار سے پیغام آئے ہیں کیا کیا
جب اس نے ہار کے خنجر زمیں پہ پھینک دیا
تمام زخم جگر مسکرائے ہیں کیا کیا
چھٹا جہاں سے اس آواز کا گھنا بادل
وہیں سے دھوپ نے تلوے جلائے ہیں کیا کیا
اٹھا کے سر مجھے اتنا تو دیکھ لینے دے
کہ قتل گاہ میں دیوانے آئے ہیں کیا کیا
کہیں اندھیرے سے مانوس ہو نہ جائے ادب
چراغ تیز ہوا نے بجھائے ہیں کیا کیا
Kahin se laut ke hum larkharaye hain kya kya
Sitare zer-e-qadam raat aaye hain kya kya
Nasheb-e-hasti se afsos hum ubhar na sake
Faraz-e-daar se paigham aaye hain kya kya
Jab usne haar ke khanjar zameen pe phenk diya
Tamaam zakhm-e-jigar muskuraye hain kya kya
Chhuta jahan se is aawaz ka ghana badal
Wahin se dhoop ne talwe jalaye hain kya kya
Utha ke sar mujhe itna to dekh lene de
Ke qatl-gah mein deewane aaye hain kya kya
Kahin andhere se manoos ho na jaye adab
Charagh tez hawa ne bujhaye hain kya kya
شاعر کے بارے میں
کیفی اعظمی (اصل نام: سیّد اطہر حسین رضوی) اردو ادب کے ان درخشاں ستاروں میں شمار ہوتے ہیں جنہوں نے شاعری، نغمہ نگاری اور فکری جدوجہد کو یکجا کر کے ا...
مکمل تعارف پڑھیں