خار و خس تو اٹھیں راستہ تو چلے — کیفی اعظمی
شاعر
خار و خس تو اٹھیں راستہ تو چلے
خار و خس تو اٹھیں راستہ تو چلے
میں اگر تھک گیا قافلہ تو چلے
چاند سورج بزرگوں کے نقش قدم
خیر بجھنے دو ان کو ہوا تو چلے
حاکم شہر یہ بھی کوئی شہر ہے
مسجدیں بند ہیں مے کدہ تو چلے
اس کو مذہب کہو یا سیاست کہو
خودکشی کا ہنر تم سکھا تو چلے
اتنی لاشیں میں کیسے اٹھا پاؤں گا
آپ اینٹوں کی حرمت بچا تو چلے
بیلچے لاؤ کھولو زمیں کی تہیں
میں کہاں دفن ہوں کچھ پتا تو چلے
Khar-o-khas to uthein rasta to chale
Main agar thak gaya qaafila to chale
Chand sooraj buzurgon ke naqsh-e-qadam
Khair bujhne do unko hawa to chale
Hakim-e-shehar yeh bhi koi shehar hai
Masjidein band hain mai-kada to chale
Is ko mazhab kaho ya siyasat kaho
Khudkushi ka hunar tum sikha to chale
Itni lashein main kaise utha paunga
Aap einton ki hurmat bacha to chale
Bailche lao kholo zameen ki tahaein
Main kahan dafn hun kuch pata to chale
شاعر کے بارے میں
کیفی اعظمی (اصل نام: سیّد اطہر حسین رضوی) اردو ادب کے ان درخشاں ستاروں میں شمار ہوتے ہیں جنہوں نے شاعری، نغمہ نگاری اور فکری جدوجہد کو یکجا کر کے ا...
مکمل تعارف پڑھیں