کیا جانے کس کی پیاس بجھانے کدھر گئیں — کیفی اعظمی
شاعر
کیا جانے کس کی پیاس بجھانے کدھر گئیں
کیا جانے کس کی پیاس بجھانے کدھر گئیں
اس سر پہ جھوم کے جو گھٹائیں گزر گئیں
دیوانہ پوچھتا ہے یہ لہروں سے بار بار
کچھ بستیاں یہاں تھیں بتاؤ کدھر گئیں
اب جس طرف سے چاہے گزر جائے کارواں
ویرانیاں تو سب مرے دل میں اتر گئیں
پیمانہ ٹوٹنے کا کوئی غم نہیں مجھے
غم ہے تو یہ کہ چاندنی راتیں بکھر گئیں
پایا بھی ان کو کھو بھی دیا چپ بھی ہو رہے
اک مختصر سی رات میں صدیاں گزر گئیں
Kya jaane kis ki pyaas bujhane kidhar gayin
Is sar pe jhoom ke jo ghatayein guzar gayin
Deewana poochhta hai yeh lehron se baar baar
Kuch bastiyan yahan thien batao kidhar gayin
Ab jis taraf se chahe guzar jaye karwaan
Veeraniyan to sab mere dil mein utar gayin
Paimana tootne ka koi gham nahin mujhe
Gham hai to yeh ke chandni raatein bikhar gayin
Paya bhi unko kho bhi diya chup bhi ho rahe
Ek mukhtasar si raat mein sadiyan guzar gayin
شاعر کے بارے میں
کیفی اعظمی (اصل نام: سیّد اطہر حسین رضوی) اردو ادب کے ان درخشاں ستاروں میں شمار ہوتے ہیں جنہوں نے شاعری، نغمہ نگاری اور فکری جدوجہد کو یکجا کر کے ا...
مکمل تعارف پڑھیں