لائی پھر اک لغزش مستانہ تیرے شہر میں — کیفی اعظمی
شاعر
لائی پھر اک لغزش مستانہ تیرے شہر میں
لائی پھر اک لغزش مستانہ تیرے شہر میں
پھر بنیں گی مسجدیں مے خانہ تیرے شہر میں
آج پھر ٹوٹیں گی تیرے گھر کی نازک کھڑکیاں
آج پھر دیکھا گیا دیوانہ تیرے شہر میں
جرم ہے تیری گلی سے سر جھکا کر لوٹنا
کفر ہے پتھراؤ سے گھبرانا تیرے شہر میں
شاہ نامے لکھے ہیں کھنڈرات کی ہر اینٹ پر
ہر جگہ ہے دفن اک افسانہ تیرے شہر میں
کچھ کنیزیں جو حریم ناز میں ہیں باریاب
مانگتی ہیں جان و دل نذرانہ تیرے شہر میں
ننگی سڑکوں پر بھٹک کر دیکھ جب مرتی ہے رات
رینگتا ہے ہر طرف ویرانہ تیرے شہر میں
Layi phir ek laghzish-e-mastana tere shehar mein
Phir banengi masjidein mai-khana tere shehar mein
Aaj phir tooteingi tere ghar ki nazuk khirkiyan
Aaj phir dekha gaya deewana tere shehar mein
Jurm hai teri gali se sar jhuka kar lautna
Kufr hai pathrao se ghabrana tere shehar mein
Shah-name likhe hain khandrat ki har eint par
Har jagah hai dafn ek afsana tere shehar mein
Kuch kanizein jo hareem-e-naaz mein hain baaryab
Maangti hain jaan-o-dil nazrana tere shehar mein
Nangi sarkon par bhatak kar dekh jab marti hai raat
Reengta hai har taraf veerana tere shehar mein
شاعر کے بارے میں
کیفی اعظمی (اصل نام: سیّد اطہر حسین رضوی) اردو ادب کے ان درخشاں ستاروں میں شمار ہوتے ہیں جنہوں نے شاعری، نغمہ نگاری اور فکری جدوجہد کو یکجا کر کے ا...
مکمل تعارف پڑھیں