میں ڈھونڈتا ہوں جسے وہ جہاں نہیں ملتا — کیفی اعظمی
شاعر
میں ڈھونڈتا ہوں جسے وہ جہاں نہیں ملتا
میں ڈھونڈتا ہوں جسے وہ جہاں نہیں ملتا
نئی زمین نیا آسماں نہیں ملتا
نئی زمین نیا آسماں بھی مل جائے
نئے بشر کا کہیں کچھ نشاں نہیں ملتا
وہ تیغ مل گئی جس سے ہوا ہے قتل مرا
کسی کے ہاتھ کا اس پر نشاں نہیں ملتا
وہ میرا گاؤں ہے وہ میرے گاؤں کے چولھے
کہ جن میں شعلے تو شعلے دھواں نہیں ملتا
جو اک خدا نہیں ملتا تو اتنا ماتم کیوں
یہاں تو کوئی مرا ہم زباں نہیں ملتا
کھڑا ہوں کب سے میں چہروں کے ایک جنگل میں
تمہارے چہرے کا کچھ بھی یہاں نہیں ملتا
Main dhoondhta hun jise woh jahan nahin milta
Nayi zameen naya aasman nahin milta
Nayi zameen naya aasman bhi mil jaye
Naye bashar ka kahin kuch nishan nahin milta
Woh tegh mil gayi jis se hua hai qatl mera
Kisi ke haath ka is par nishan nahin milta
Woh mera gaon hai woh mere gaon ke chulhe
Ke jin mein shole to shole dhuan nahin milta
Jo ek Khuda nahin milta to itna matam kyun
Yahan to koi mera ham-zaban nahin milta
Khara hun kab se main chehron ke ek jungle mein
Tumhare chehre ka kuch bhi yahan nahin milta
شاعر کے بارے میں
کیفی اعظمی (اصل نام: سیّد اطہر حسین رضوی) اردو ادب کے ان درخشاں ستاروں میں شمار ہوتے ہیں جنہوں نے شاعری، نغمہ نگاری اور فکری جدوجہد کو یکجا کر کے ا...
مکمل تعارف پڑھیں