سنا کرو مری جاں ان سے ان سے افسانے — کیفی اعظمی
شاعر
سنا کرو مری جاں ان سے ان سے افسانے
سنا کرو مری جاں ان سے ان سے افسانے
سب اجنبی ہیں یہاں کون کس کو پہچانے
یہاں سے جلد گزر جاؤ قافلے والو
ہیں میری پیاس کے پھونکے ہوئے یہ ویرانے
مرے جنون پرستش سے تنگ آ گئے لوگ
سنا ہے بند کیے جا رہے ہیں بت خانے
جہاں سے پچھلے پہر کوئی تشنہ کام اٹھا
وہیں پہ توڑے ہیں یاروں نے آج پیمانے
بہار آئے تو میرا سلام کہہ دینا
مجھے تو آج طلب کر لیا ہے صحرا نے
ہوا ہے حکم کہ کیفیؔ کو سنگسار کرو
مسیح بیٹھے ہیں چھپ کے کہاں خدا جانے
کیفی اعظمی
Suna karo meri jaan un se un se afsane
Sab ajnabi hain yahan kaun kis ko pehchane
Yahan se jald guzar jao qafile walo
Hain meri pyaas ke phoonke hue yeh veerane
Mere junoon-e-parastish se tang aa gaye log
Suna hai band kiye ja rahe hain but-khane
Jahan se pichhle pehar koi tashna-kam utha
Wahin pe tode hain yaaron ne aaj paimane
Bahar aaye to mera salam keh dena
Mujhe to aaj talab kar liya hai sehra ne
Hua hai hukm ke Kaifi ko sangsar karo
Masih baithe hain chhup ke kahan Khuda jaane
شاعر کے بارے میں
کیفی اعظمی (اصل نام: سیّد اطہر حسین رضوی) اردو ادب کے ان درخشاں ستاروں میں شمار ہوتے ہیں جنہوں نے شاعری، نغمہ نگاری اور فکری جدوجہد کو یکجا کر کے ایک بھرپور ادبی و سماجی روایت قائم کی۔ وہ 14 جنوری 1919ء کو مجواں، ضلع اعظم گڑھ (اترپردیش) میں ایک مذہبی زمیندار گھرانے میں پیدا ہوئے۔ کم عمری ہی سے شعر و ادب سے شغف تھا اور صرف 11 برس کی عمر میں پہلی ...
مکمل تعارف پڑھیں