وہ بھی سراہنے لگے ارباب فن کے بعد — کیفی اعظمی
شاعر
وہ بھی سراہنے لگے ارباب فن کے بعد
وہ بھی سراہنے لگے ارباب فن کے بعد
داد سخن ملی مجھے ترک سخن کے بعد
دیوانہ وار چاند سے آگے نکل گئے
ٹھہرا نہ دل کہیں بھی تری انجمن کے بعد
ہونٹوں کو سی کے دیکھیے پچھتائیے گا آپ
ہنگامے جاگ اٹھتے ہیں اکثر گھٹن کے بعد
غربت کی ٹھنڈی چھاؤں میں یاد آئی اس کی دھوپ
قدر وطن ہوئی ہمیں ترک وطن کے بعد
اعلان حق میں خطرۂ دار و رسن تو ہے
لیکن سوال یہ ہے کہ دار و رسن کے بعد
انساں کی خواہشوں کی کوئی انتہا نہیں
دو گز زمیں بھی چاہئے دو گز کفن کے بعد
Woh bhi sarahne lage arbab-e-fan ke baad
Daad-e-sukhan mili mujhe tark-e-sukhan ke baad
Deewana-war chand se aage nikal gaye
Thehra na dil kahin bhi teri anjuman ke baad
Honton ko see ke dekhhiye pachtaiye ga aap
Hungame jaag uthte hain aksar ghutan ke baad
Ghurbat ki thandi chhaon mein yaad aayi uski dhoop
Qadr-e-watan hui hamein tark-e-watan ke baad
Elaan-e-haq mein khatra-e-daar-o-rasan to hai
Lekin sawal yeh hai ke daar-o-rasan ke baad
Insaan ki khwahishon ki koi intiha nahin
Do gaz zameen bhi chahiye do gaz kafan ke baad
شاعر کے بارے میں
کیفی اعظمی (اصل نام: سیّد اطہر حسین رضوی) اردو ادب کے ان درخشاں ستاروں میں شمار ہوتے ہیں جنہوں نے شاعری، نغمہ نگاری اور فکری جدوجہد کو یکجا کر کے ا...
مکمل تعارف پڑھیں