بڑی طَلب تھی ، بڑا اِنتظار ،دیکھو تو — کلیم عاجز
شاعر
بڑی طَلب تھی ، بڑا اِنتظار ،دیکھو تو
بڑی طَلب تھی بڑا اِنتظار، دیکھو تو
بہار لائی ہے کیسی بہار، دیکھو تو
یہ کیا ہُوا، کہ سلامت نہیں کوئی دامن
چَمن میں پُھول کِھلے ہیں کہ خار، دیکھو تو
لہُو دِلوں کا چراغوں میں کل بھی جلتا تھا
اور آج بھی، ہے وہی کاروبار دیکھو تو
یہاں، ہر اِک رَسَن و دار ہی دِکھاتا ہے
عجیب شہر، عَجب شہریار دیکھو تو
نہ کوئی شانہ بچا ہے، نہ کوئی آئینہ!
دراز دستیٔ گیسُوئے یار، دیکھو تو
کسی سے پیار نہیں، پھر بھی پیار ہے سب سے!
وہ مستِ حُسن، ہے کیا ہوشیار دیکھو تو
وہ چُپ بھی بیٹھے ہے، تو ایسا بن کے بیٹھے ہے!
ہر اِک ادا یہ کہے ہے پُکار، دیکھو تو
ابھی تو خُون کا سِندُور ہی لگایا ہے
ابھی کرے ہے وہ کیا کیا سِنگار، دیکھو تو
اَدا ہَمِیں نے سِکھائی، نَظر ہَمِیں نے دی
ہَمِیں سے آنکھ چُراؤ ہو یار، دیکھو تو
اَسِیر کر کے ہمیں کیا پِھرے ہے اِتراتا
گلے میں ڈالے وہ پھولوں کا ہار، دیکھو تو
Baṛi talab thi, baṛa intezar, dekho to
Baṛi talab thi baṛa intezar, dekho to
Bahaar laai hai kaisi bahaar, dekho to
Yeh kya hua, ke salamat nahin koi daman
Chaman mein phool khile hain ke khaar, dekho to
Lahu dilon ka chiraghon mein kal bhi jalta tha
Aur aaj bhi, hai wohi kaarobar dekho to
Yahan, har ik rasan o daar hi dikhata hai
Ajab shahr, ajab shahriyar dekho to
Na koi shana bacha hai, na koi aaina!
Daraz-dasti-e-gesu-e-yar, dekho to
Kisi se pyar nahin, phir bhi pyar hai sab se!
Woh mast-e-husn, hai kya hoshiyar dekho to
Woh chup bhi baithe hai, to aisa ban ke baithe hai!
Har ik ada yeh kahe hai pukar, dekho to
Abhi to khoon ka sindoor hi lagaya hai
Abhi kare hai woh kya kya singaar, dekho to
Ada hameen ne sikhai, nazar hameen ne di
Hameen se aankh churao ho yaar, dekho to
Aseer kar ke hamein kya phire hai itrata
Gale mein dale woh phoolon ka haar, dekho to
شاعر کے بارے میں
اردو کے ممتاز غزل گو شاعر کلیم عاجز کا اصل نام کلیم احمد تھا۔ ان کی پیدائش کے متعلق مختلف معتبر ذرائع میں 11 اکتوبر 1926 کا سن درج ہے، تاہم تمام م...
مکمل تعارف پڑھیں