بلاتے کیوں ہو عاجزؔ کو بلانا کیا مزا دے ہے — کلیم عاجز
شاعر
بلاتے کیوں ہو عاجزؔ کو بلانا کیا مزا دے ہے
بلاتے کیوں ہو عاجزؔ کو بلانا کیا مزا دے ہے
غزل کم بخت کچھ ایسی پڑھے ہے دل ہلا دے ہے
محبت کیا بلا ہے چین لینا ہی بھلا دے ہے
ذرا بھی آنکھ جھپکے ہے تو بیتابی جگا دے ہے
ترے ہاتھوں کی سرخی خود ثبوت اس بات کا دے ہے
کہ جو کہہ دے ہے دیوانہ وہ کر کے بھی دکھا دے ہے
غضب کی فتنہ سازی آئے ہے اس آفت جاں کو
شرارت خود کرے ہے اور ہمیں تہمت لگا دے ہے
مری بربادیوں کا ڈال کر الزام دنیا پر
وہ ظالم اپنے منہ پر ہاتھ رکھ کر مسکرا دے ہے
اب انسانوں کی بستی کا یہ عالم ہے کہ مت پوچھو
لگے ہے آگ اک گھر میں تو ہم سایہ ہوا دے ہے
کلیجہ تھام کر سنتے ہیں لیکن سن ہی لیتے ہیں
مرے یاروں کو میرے غم کی تلخی بھی مزا دے ہے
Bulāte kyon ho 'Ajiz ko bulana kya maza de hai
Bulāte kyon ho 'Ajiz ko bulana kya maza de hai
Ghazal kam-bakht kuchh aisi paṛhe hai dil hila de hai
Mohabbat kya bala hai chain lena hi bhala de hai
Zara bhi aankh jhapkāe hai to be-tābi jaga de hai
Tere haathon ki surkhi khud saboot is baat ka de hai
Ke jo keh de hai deewāna woh kar ke bhi dikha de hai
Ghazab ki fitna-sāzi aae hai is āfat-e-jaan ko
Shararat khud kare hai aur hamein tuhmat laga de hai
Meri barbaadiyon ka daal kar ilzam duniya par
Woh zalim apne munh par haath rakh kar muskurā de hai
Ab insaanon ki basti ka yeh alam hai ke mat poochho
Lage hai aag ik ghar mein to humsāya hawa de hai
Kaleja tham kar sunte hain lekin sun hi lete hain
Mere yaaron ko mere gham ki talkhi bhi maza de hai
شاعر کے بارے میں
اردو کے ممتاز غزل گو شاعر کلیم عاجز کا اصل نام کلیم احمد تھا۔ ان کی پیدائش کے متعلق مختلف معتبر ذرائع میں 11 اکتوبر 1926 کا سن درج ہے، تاہم تمام م...
مکمل تعارف پڑھیں