ہر چند غم و درد کی قیمت بھی بہت تھی — کلیم عاجز
شاعر
ہر چند غم و درد کی قیمت بھی بہت تھی
ہر چند غم و درد کی قیمت بھی بہت تھی
لینا ہی پڑا دل کو ضرورت بھی بہت تھی
ظالم تھا وہ اور ظلم کی عادت بھی بہت تھی
مجبور تھے ہم اس سے محبت بھی بہت تھی
گو ترک تعلق میں سہولت بھی بہت تھی
لیکن نہ ہوا ہم سے کہ غیرت بھی بہت تھی
اس بت کے ستم سہہ کے دکھا ہی دیا ہم نے
گو اپنی طبیعت میں بغاوت بھی بہت تھی
واقف ہی نہ تھا رمز محبت سے وہ ورنہ
دل کے لیے تھوڑی سی عنایت ہی بہت تھی
یوں ہی نہیں مشہور زمانہ مرا قاتل
اس شخص کو اس فن میں مہارت بھی بہت تھی
کیا دور غزل تھا کہ لہو دل میں بہت تھا
اور دل کو لہو کرنے کے فرصت بھی بہت تھی
ہر شام سناتے تھے حسینوں کو غزل ہم
جب مال بہت تھا تو سخاوت بھی بہت تھی
بلوا کے ہم عاجزؔ کو پشیماں بھی بہت ہیں
کیا کیجیے کم بخت کی شہرت بھی بہت تھی
Har Chand Gham-o-Dard Ki Qeemat Bhi Bahut Thi
Har chand gham-o-dard ki qeemat bhi bahut thi
Lena hi pada dil ko zaroorat bhi bahut thi
Zalim tha woh aur zulm ki aadat bhi bahut thi
Majboor the hum is se mohabbat bhi bahut thi
Go tark-e-ta'alluq mein sahoolat bhi bahut thi
Lekin na hua hum se ke ghairat bhi bahut thi
Is but ke sitam sah sah ke dikha hi diya hum ne
Go apni tabiyat mein baghawat bhi bahut thi
Waqif hi na tha ramz-e-mohabbat se woh warna
Dil ke liye thodi si inayyat hi bahut thi
Yun hi nahin mash'hoor zamana mera qatil
Is shakhs ko is fun mein maharat bhi bahut thi
Kya daur-e-ghazal tha ke lahoo dil mein bahut tha
Aur dil ko lahoo karne ki fursat bhi bahut thi
Har shaam sunate the haseenon ko ghazal hum
Jab maal bahut tha to sakhawat bhi bahut thi
Bulwa ke hum Ajiz ko pareshan bhi bahut hain
Kya keejiye kam-bakht ki shohrat bhi bahut thi
شاعر کے بارے میں
اردو کے ممتاز غزل گو شاعر کلیم عاجز کا اصل نام کلیم احمد تھا۔ ان کی پیدائش کے متعلق مختلف معتبر ذرائع میں 11 اکتوبر 1926 کا سن درج ہے، تاہم تمام م...
مکمل تعارف پڑھیں