کوئے قاتل ہے مگر جانے کو جی چاہے ہے — کلیم عاجز
شاعر
کوئے قاتل ہے مگر جانے کو جی چاہے ہے
کوئے قاتل ہے مگر جانے کو جی چاہے ہے
اب تو کچھ فیصلہ کر جانے کو جی چاہے ہے
لوگ اپنے در و دیوار سے ہوشیار رہیں
آج دیوانے کا گھر جانے کو جی چاہے ہے
درد ایسا ہے کہ جی چاہے ہے زندہ رہئے
زندگی ایسی کہ مر جانے کو جی چاہے ہے
دل کو زخموں کے سوا کچھ نہ دیا پھولوں نے
اب تو کانٹوں میں اتر جانے کو جی چاہے ہے
چھاؤں وعدوں کی ہے بس دھوکا ہی دھوکا اے دل
مت ٹھہر گرچہ ٹھہر جانے کو جی چاہے ہے
زندگی میں ہے وہ الجھن کہ پریشاں ہو کر
زلف کی طرح بکھر جانے کو جی چاہے ہے
قتل کرنے کی ادا بھی حسیں قاتل بھی حسیں
نہ بھی مرنا ہو تو مر جانے کو جی چاہے ہے
جی یہ چاہے ہے کہ پوچھوں کبھی ان زلفوں سے
کیا تمہارا بھی سنور جانے کو جی چاہے ہے
رسن و دار ادھر کاکل و رخسار ادھر
دل بتا تیرا کدھر جانے کو جی چاہے ہے
Ku-e-Qatil Hai Magar Jane Ko Ji Chaahe Hai
Ku-e-qatil hai magar jane ko ji chahe hai
Ab to kuchh faisla kar jane ko ji chahe hai
Log apne dar-o-deewar se hoshiyar rahein
Aaj deewane ka ghar jane ko ji chahe hai
Dard aisa hai ke ji chahe hai zinda rahen
Zindagi aisi ke mar jane ko ji chahe hai
Dil ko zakhmon ke siwa kuchh na diya phoolon ne
Ab to kaanton mein utar jane ko ji chahe hai
Chhaon wadon ki hai bas dhoka hi dhoka ae dil
Mat thahar garchih thahar jane ko ji chahe hai
Zindagi mein hai woh uljhan ke pareshan ho kar
Zulf ki tarah bikhar jane ko ji chahe hai
Qatl karne ki ada bhi haseen qatil bhi haseen
Na bhi marna ho to mar jane ko ji chahe hai
Ji yeh chahe hai ke poochhoon kabhi in zulfon se
Kya tumhara bhi sanwar jane ko ji chahe hai
Rasan-o-daar idhar kakul-o-rukhsar idhar
Dil bata tera kidhar jane ko ji chahe hai
شاعر کے بارے میں
اردو کے ممتاز غزل گو شاعر کلیم عاجز کا اصل نام کلیم احمد تھا۔ ان کی پیدائش کے متعلق مختلف معتبر ذرائع میں 11 اکتوبر 1926 کا سن درج ہے، تاہم تمام م...
مکمل تعارف پڑھیں