مت برا اس کو کہو گرچہ وہ اچھا بھی نہیں — کلیم عاجز
شاعر
مت برا اس کو کہو گرچہ وہ اچھا بھی نہیں
مت برا اس کو کہو گرچہ وہ اچھا بھی نہیں
وہ نہ ہوتا تو غزل میں کبھی کہتا بھی نہیں
جانتا تھا کہ ستم گر ہے مگر کیا کیجے
دل لگانے کے لیے اور کوئی تھا بھی نہیں
جیسا بے درد ہو وہ پھر بھی یہ جیسا محبوب
ایسا کوئی نہ ہوا اور کوئی ہوگا بھی نہیں
وہی ہوگا جو ہوا ہے جو ہوا کرتا ہے
میں نے اس پیار کا انجام تو سوچا بھی نہیں
ہائے کیا دل ہے کہ لینے کے لیے جاتا ہے
اس سے پیمان وفا جس پہ بھروسا بھی نہیں
بارہا گفتگو ہوتی رہی لیکن مرا نام
اس نے پوچھا بھی نہیں میں نے بتایا بھی نہیں
تحفہ زخموں کا مجھے بھیج دیا کرتا ہے
مجھ سے ناراض ہے لیکن مجھے بھولا بھی نہیں
دوستی اس سے نبہ جائے بہت مشکل ہے
میرا تو وعدہ ہے اس کا تو ارادہ بھی نہیں
میرے اشعار وہ سن سن کے مزے لیتا رہا
میں اسی سے ہوں مخاطب وہ یہ سمجھا بھی نہیں
میرے وہ دوست مجھے داد سخن کیا دیں گے
جن کے دل کا کوئی حصہ ذرا ٹوٹا بھی نہیں
مجھ کو بننا پڑا شاعر کہ میں ادنیٰ غم دل
ضبط بھی کر نہ سکا پھوٹ کے رویا بھی نہیں
شاعری جیسی ہو عاجزؔ کی بھلی ہو کہ بری
آدمی اچھا ہے لیکن بہت اچھا بھی نہیں
Mat Bura Is Ko Kaho Garche Woh Achha Bhi Nahin
Mat bura is ko kaho garche woh achha bhi nahin
Woh na hota to ghazal mein kabhi kehta bhi nahin
Jaanta tha ke sitamgar hai magar kya keejiye
Dil lagane ke liye aur koi tha bhi nahin
Jaisa be-dard ho woh phir bhi yeh jaisa mehboob
Aisa koi na hua aur koi hoga bhi nahin
Wohi hoga jo hua hai jo hua karta hai
Main ne is pyar ka anjaam to socha bhi nahin
Haaye kya dil hai ke lene ke liye jaata hai
Us se paiman-e-wafa jis pe bharosa bhi nahin
Barha guftugu hoti rahi lekin mera naam
Us ne poochha bhi nahin main ne bataya bhi nahin
Tohfa zakhmon ka mujhe bhej diya karta hai
Mujh se naraz hai lekin mujhe bhoola bhi nahin
Dosti is se nibh jaye bahut mushkil hai
Mera to wada hai is ka to irada bhi nahin
Mere ashaar woh sun sun ke maze leta raha
Main isi se hoon mukhatib woh yeh samjha bhi nahin
Mere woh dost mujhe daad-e-sukhan kya dein ge
Jin ke dil ka koi hissa zara toota bhi nahin
Mujh ko banna pada shair ke main adna gham-e-dil
Zabt bhi kar na saka phoot ke roya bhi nahin
Shairi jaisi ho Ajiz ki bhali ho ke buri
Aadmi achha hai lekin bahut achha bhi nahin
شاعر کے بارے میں
اردو کے ممتاز غزل گو شاعر کلیم عاجز کا اصل نام کلیم احمد تھا۔ ان کی پیدائش کے متعلق مختلف معتبر ذرائع میں 11 اکتوبر 1926 کا سن درج ہے، تاہم تمام م...
مکمل تعارف پڑھیں