مرا حال پوچھ کے ہم نشیں مرے سوز دل کو ہوا نہ دے — کلیم عاجز
شاعر
مرا حال پوچھ کے ہم نشیں مرے سوز دل کو ہوا نہ دے
مرا حال پوچھ کے ہم نشیں مرے سوز دل کو ہوا نہ دے
بس یہی دعا میں کروں ہوں اب کہ یہ غم کسی کو خدا نہ دے
یہ جو زخم دل کو پکائے ہم لئے پھر رہے ہیں چھپائے ہم
کوئی نا شناس مزاج غم کہیں ہاتھ اس کو لگا نہ دے
تو جہاں سے آج ہے نکتہ چیں کبھی مدتوں میں رہا وہیں
میں گدائے راہ گزر نہیں مجھے دور ہی سے صدا نہ دے
تب و تاب عشق کا ہے کرم کہ جمی ہے محفل چشم نم
ذرا دیکھیو اے ہوائے غم یہ چراغ کوئی بجھا نہ دے
وہ جو شاعری کا سبب ہوا وہ معاملہ بھی عجب ہوا
میں غزل سناؤں ہوں اس لئے کہ زمانہ اس کو بھلا نہ دے
Mera Haal Pooch Ke Hamnasheen Mere Soz-e-Dil Ko Hawa Na De
Mera haal pooch ke hamnasheen mere soz-e-dil ko hawa na de
Bas yehi dua main karoon hoon ab ke yeh gham kisi ko Khuda na de
Yeh jo zakhm-e-dil ko pakaye hum liye phir rahe hain chhupaye hum
Koi na-shanas-e-mizaaj-e-gham kahin haath is ko laga na de
Tu jahan se aaj hai nukta-cheen kabhi muddaton mein raha wahin
Main gada-e-reh-guzar nahin mujhe door hi se sada na de
Tab-o-taab-e-ishq ka hai karam ke jami hai mehfil-e-chashm-e-nam
Zara dekhiyo ae hawa-e-gham yeh charagh koi bujha na de
Woh jo shairi ka sabab hua woh mamla bhi ajab hua
Main ghazal sunaon hoon is liye ke zamana is ko bhula na de
شاعر کے بارے میں
اردو کے ممتاز غزل گو شاعر کلیم عاجز کا اصل نام کلیم احمد تھا۔ ان کی پیدائش کے متعلق مختلف معتبر ذرائع میں 11 اکتوبر 1926 کا سن درج ہے، تاہم تمام م...
مکمل تعارف پڑھیں