مجھے اس کا کوئی گلہ نہیں کہ بہار نے مجھے کیا دیا — کلیم عاجز
شاعر
مجھے اس کا کوئی گلہ نہیں کہ بہار نے مجھے کیا دیا
مجھے اس کا کوئی گلہ نہیں کہ بہار نے مجھے کیا دیا
تری آرزو تو نکال دی ترا حوصلہ تو بڑھا دیا
گو ستم نے تیرے ہر اک طرح مجھے ناامید بنا دیا
یہ مری وفا کا کمال ہے کہ نباہ کر کے دکھا دیا
کوئی بزم ہو کوئی انجمن یہ شعار اپنا قدیم ہے
جہاں روشنی کی کمی ملی وہیں اک چراغ جلا دیا
تجھے اب بھی میرے خلوص کا نہ یقین آئے تو کیا کروں
ترے گیسوؤں کو سنوار کر تجھے آئنہ بھی دکھا دیا
میری شاعری میں ترے سوا کوئی ماجرا ہے نہ مدعا
جو تری نظر کا فسانہ تھا وہ مری غزل نے سنا دیا
یہ غریب عاجزؔ بے وطن یہ غبار خاطر انجمن
یہ خراب جس کے لئے ہوا اسی بے وفا نے بھلا دیا
Mujhe Is Ka Koi Gila Nahin Ke Bahar Ne Mujhe Kya Diya
Mujhe is ka koi gila nahin ke bahar ne mujhe kya diya
Tiri arzoo to nikal di tira hausla to badha diya
Go sitam ne tere har ek tarah mujhe naa-umeed bana diya
Yeh meri wafa ka kamal hai ke nibah kar ke dikha diya
Koi bazm ho koi anjuman yeh sha'ar apna qadeem hai
Jahan roshni ki kami mili wahin ek charagh jala diya
Tujhe ab bhi mere khuloos ka na yaqeen aaye to kya karoon
Tere gesu'on ko sanwar kar tujhe aaina bhi dikha diya
Meri shairi mein tere siwa koi maajra hai na mudd'a
Jo teri nazar ka fasana tha woh meri ghazal ne suna diya
Yeh ghareeb Ajiz be-watan yeh ghubar-e-khatir-e-anjuman
Yeh kharab jis ke liye hua isi be-wafa ne bhula diya
شاعر کے بارے میں
اردو کے ممتاز غزل گو شاعر کلیم عاجز کا اصل نام کلیم احمد تھا۔ ان کی پیدائش کے متعلق مختلف معتبر ذرائع میں 11 اکتوبر 1926 کا سن درج ہے، تاہم تمام م...
مکمل تعارف پڑھیں