منہ فقیروں سے نہ پھیرا چاہئے — کلیم عاجز
شاعر
منہ فقیروں سے نہ پھیرا چاہئے
منہ فقیروں سے نہ پھیرا چاہئے
یہ تو پوچھا چاہئے کیا چاہئے
چاہ کا معیار اونچا چاہئے
جو نہ چاہیں ان کو چاہا چاہئے
کون چاہے ہے کسی کو بے غرض
چاہنے والوں سے بھاگا چاہئے
ہم تو کچھ چاہے ہیں تم چاہو ہو کچھ
وقت کیا چاہے ہے دیکھا چاہئے
چاہتے ہیں تیرے ہی دامن کی خیر
ہم ہیں دیوانے ہمیں کیا چاہئے
بے رخی بھی ناز بھی انداز بھی
چاہئے لیکن نہ اتنا چاہئے
ہم جو کہنا چاہتے ہیں کیا کہیں
آپ کہہ لیجے جو کہنا چاہئے
بات چاہے بے سلیقہ ہو کلیمؔ
بات کہنے کا سلیقہ چاہئے
Munh faqīron se na phera chahiye
Munh faqīron se na phera chahiye
Yeh to poochha chahiye kya chahiye
Chah ka me'yar uncha chahiye
Jo na chāheñ un ko chāhā chahiye
Kaun chahe hai kisi ko be-gharaz
Chahne walon se bhāga chahiye
Hum to kuchh chahe hain tum chaho ho kuchh
Waqt kya chahe hai dekha chahiye
Chahte hain tere hi daman ki khair
Hum hain deewane hamein kya chahiye
Be-rukhi bhi naaz bhi andaz bhi
Chahiye lekin na itna chahiye
Hum jo kehna chahte hain kya kahen
Aap keh lije jo kehna chahiye
Baat chahe be-salīqa ho Kaleemؔ
Baat kehne ka salīqa chahiye
شاعر کے بارے میں
اردو کے ممتاز غزل گو شاعر کلیم عاجز کا اصل نام کلیم احمد تھا۔ ان کی پیدائش کے متعلق مختلف معتبر ذرائع میں 11 اکتوبر 1926 کا سن درج ہے، تاہم تمام م...
مکمل تعارف پڑھیں