وہ ستم نہ ڈھائے تو کیا کرے اسے کیا خبر کہ وفا ہے کیا؟ — کلیم عاجز
شاعر
وہ ستم نہ ڈھائے تو کیا کرے اسے کیا خبر کہ وفا ہے کیا؟
وہ ستم نہ ڈھائے تو کیا کرے اسے کیا خبر کہ وفا ہے کیا؟
تو اسی کو پیار کرے ہے کیوں یہ کلیمؔ تجھ کو ہوا ہے کیا؟
تجھے سنگ دل یہ پتہ ہے کیا کہ دکھے دلوں کی صدا ہے کیا؟
کبھی چوٹ تو نے بھی کھائی ہے کبھی تیرا دل بھی دکھا ہے کیا؟
تو رئیس شہر ستم گراں میں گدائے کوچۂ عاشقاں
تو امیر ہے تو بتا مجھے میں غریب ہوں تو برا ہے کیا؟
تو جفا میں مست ہے روز و شب میں کفن بہ دوش و غزل بہ لب
ترے رعب حسن سے چپ ہیں سب میں بھی چپ رہوں تو مزا ہے کیا؟
یہ کہاں سے آئی ہے سرخ رو ہے ہر ایک جھونکا لہو لہو
کٹی جس میں گردن آرزو یہ اسی چمن کی ہوا ہے کیا؟
ابھی تیرا دور شباب ہے ابھی کیا حساب و کتاب ہے
ابھی کیا نہ ہوگا جہان میں ابھی اس جہاں میں ہوا ہے کیا؟
یہی ہم نوا یہی ہم سخن یہی ہم نشاں یہی ہم وطن
مری شاعری ہی بتائے گی مرا نام کیا ہے پتا ہے کیا؟
Woh Sitam Na Dhaye To Kya Kare Use Kya Khabar Ke Wafa Hai Kya?
Woh sitam na dhaye to kya kare use kya khabar ke wafa hai kya?
Tu isi ko pyar kare hai kiyon yeh Kaleem tujh ko hua hai kya?
Tujhe sang-e-dil yeh pata hai kya ke dukhe dilon ki sada hai kya?
Kabhi chot tu ne bhi khayi hai kabhi tera dil bhi dukha hai kya?
Tu raees-e-shehar sitam-garan mein gada-e-kocha-e-ashiqan
Tu ameer hai to bata mujhe main ghareeb hoon to bura hai kya?
Tu jafa mein mast hai roz o shab mein kafan ba-dosh o ghazal ba-lab
Tere ra'ab-e-husn se chup hain sab main bhi chup rahoon to maza hai kya?
Yeh kahan se aayi hai surkh-roo hai har ek jhonka lahoo lahoo
Kati jis mein gardan-e-arzoo yeh isi chaman ki hawa hai kya?
Abhi tera daur-e-shabab hai abhi kya hisab o kitab hai
Abhi kya na hoga jahan mein abhi is jahan mein hua hai kya?
Yehi hum nawa yehi hum sukhan yehi hum nishan yehi hum watan
Meri shairi hi batayegi mera naam kya hai pata hai kya?
شاعر کے بارے میں
اردو کے ممتاز غزل گو شاعر کلیم عاجز کا اصل نام کلیم احمد تھا۔ ان کی پیدائش کے متعلق مختلف معتبر ذرائع میں 11 اکتوبر 1926 کا سن درج ہے، تاہم تمام م...
مکمل تعارف پڑھیں