یہ سمندر ہے کنارے ہی کنارے جاؤ — کلیم عاجز
شاعر
یہ سمندر ہے کنارے ہی کنارے جاؤ
یہ سمندر ہے کنارے ہی کنارے جاؤ
عشق ہر شخص کے بس کا نہیں پیارے جاؤ
یوں تو مقتل میں تماشائی بہت آتے ہیں
آؤ اس وقت کہ جس وقت پکارے جاؤ
دل کی بازی لگے پھر جان کی بازی لگ جائے
عشق میں ہار کے بیٹھو نہیں ہارے جاؤ
کام بن جائے اگر زلف جنوں بن جائے
اس لیے اس کو سنوارو کہ سنوارے جاؤ
کوئی رستہ کوئی منزل اسے دشوار نہیں
جس جگہ چاہو محبت کے سہارے جاؤ
ہم تو مٹی سے اگائیں گے محبت کے گلاب
تم اگر توڑنے جاتے ہو ستارے جاؤ
ڈوبنا ہوگا اگر ڈوبنا تقدیر میں ہے
چاہے کشتی پہ رہو چاہے کنارے جاؤ
تم ہی سوچو بھلا یہ شوق کوئی شوق ہوا
آج اونچائی پہ بیٹھو کل اتارے جاؤ
موت سے کھیل کے کرتے ہو محبت عاجزؔ
مجھ کو ڈر ہے کہیں بے موت نہ مارے جاؤ
Yeh Samandar Hai Kinare Hi Kinare Jaao
Yeh samandar hai kinare hi kinare jaao
Ishq har shakhs ke bas ka nahin pyare jaao
Yun to maqtal mein tamashai bahut aate hain
Aao us waqt ke jis waqt pukare jaao
Dil ki bazi lage phir jaan ki bazi lag jaayen
Ishq mein haar ke baitho nahin haare jaao
Kaam ban jaayen agar zulf junoon ban jaayen
Is liye us ko sanwaro ke sanware jaao
Koi rasta koi manzil use dushwar nahin
Jis jagah chaho mohabbat ke sahare jaao
Hum to mitti se ugaayen ge mohabbat ke gulab
Tum agar todne jaate ho sitare jaao
Doobna hoga agar doobna taqdeer mein hai
Chahe kashti pe raho chahe kinare jaao
Tum hi socho bhala yeh shauq koi shauq hua
Aaj oonchai pe baitho kal utaare jaao
Maut se khel ke karte ho mohabbat Ajiz
Mujh ko dar hai kahin be-maut na maare jaao
شاعر کے بارے میں
اردو کے ممتاز غزل گو شاعر کلیم عاجز کا اصل نام کلیم احمد تھا۔ ان کی پیدائش کے متعلق مختلف معتبر ذرائع میں 11 اکتوبر 1926 کا سن درج ہے، تاہم تمام م...
مکمل تعارف پڑھیں