اس کی بہار حسن کا دل میں ہمارے جوش ہے — خواجہ میر درد
شاعر
اس کی بہار حسن کا دل میں ہمارے جوش ہے
اس کی بہار حسن کا دل میں ہمارے جوش ہے
فصل بہار جس کے ہاں ایک یہ گل فروش ہے
بخت سیہ برنگ شب نت ہی گلیم پوش ہے
شمع بھی اپنے ہاں اگر ہے تو سدا خموش ہے
خلوت دل دل کر دیا اپنے حواس میں خلل
حسن بلائے چشم ہے نغمہ وبال گوش ہے
ہووے تو درمیان سے اپنے تئیں اٹھائیے
بار نہیں ہے اور کچھ سر ہی وبال دوش ہے
نالہ و آہ کیجیے خون جگر ہی پیجیے
عہد شباب کہتے ہیں موسم ناؤ نوش ہے
بے خبروں کو پھر کہیں دست قضا نہ چھیڑ تو
مثل دہل ہر ایک میں ورنہ بھرا خروش ہے
غیر ملال زاہدا کیا ہے طریق زہد میں
دل ہو شگفتہ جس جگہ کوچۂ مے فروش ہے
اپنے تئیں تو کام کچھ خرقۂ و جامہ سے نہیں
دردؔ اگر لباس ہے دیدۂ عیب پوش ہے
Uski bahaar-e-husn ka dil mein hamare Josh hai
Uski bahaar-e-husn ka dil mein hamare Josh hai
Fasal-e-bahaar jis ke haan ek yeh gul-farosh hai
Bakht-e-siyah barang-e-shab nit hi galeem-posh hai
Shama bhi apne haan agar hai to sada khamosh hai
Khalwat-e-dil dil kar diya apne hawas mein khalal
Husn bala-e-chashm hai naghma-o-bal-e-gosh hai
Howe to darmiyaan se apne tain uthaiye
Baar nahin hai aur kuchh sar hi wabal-e-dosh hai
Nala-o-aah kijiye khoon-e-jigar hi peejiye
Ahd-e-shabab kehte hain mausam-e-nau-nosh hai
Be-khabron ko phir kahin dast-e-qaza na chher tu
Misl-e-dohol har ek mein warna bhara kharosh hai
Gair-e-malal zahida kya hai tareeq-e-zuhd mein
Dil ho shagufta jis jagah kucha-e-mai-farosh hai
Apne tain to kaam kuchh khirqa-o-jama se nahin
Dardؔ agar libas hai dida-e-aib-posh hai
شاعر کے بارے میں
خواجہ میر درد اردو ادب کے ممتاز صوفی شاعر اور فلسفی تھے جنہوں نے 1721ء میں دہلی، ہندوستان میں جنم لیا۔ ان کا اصل نام میر محمد تھا لیکن صوفی حلقوں م...
مکمل تعارف پڑھیں