بنام طاقت کوئی اشارہ نہیں چلے گا — محسن نقوی
شاعر
بنام طاقت کوئی اشارہ نہیں چلے گا
بنام طاقت کوئی اشارہ نہیں چلے گا
اداس نسلوں پہ اب اجارہ نہیں چلے گا
ہم اپنی دھرتی سے اپنی ہر سمت خود تلاشیں
ہماری خاطر کوئی ستارہ نہیں چلے گا
حیات اب شام غم کی تشیبہ خود بنے گی
تمہاری زلفوں کا استعارہ نہیں چلے گا
چلو سروں کا خراج نوک سناں کو بخشیں
کہ جاں بچانے کا استخارہ نہیں چلے گا
ہمارے جذبے بغاوتوں کو تراشتے ہیں
ہمارے جذبوں پہ بس تمہارا نہیں چلے گا
ازل سے قائم ہیں دونوں اپنی ضدوں پہ محسنؔ
چلے گا پانی مگر کنارہ نہیں چلے گا
Ba-nām-e-tāqat koī ishāra nahīñ chale gā
Ba-nām-e-tāqat koī ishāra nahīñ chale gā
Udās nasloñ pe ab ijāra nahīñ chale gā
Ham apnī dhartī se apnī har samt ḳhud talāsheñ
Hamārī ḳātir koī sitāra nahīñ chale gā
Hayāt ab shām-e-ġham kī tashbīh ḳhud bane gī
Tumhārī zulfoñ kā iste'āra nahīñ chale gā
Chalo saroñ kā kharāj nok-e-sanāñ ko baḳhsheñ
Ki jān bachāne kā istiḳhāra nahīñ chale gā
Hamāre jazbe baġāvatoñ ko tarāshte haiñ
Hamāre jazboñ pe bas tumhārā nahīñ chale gā
Azal se qā.em haiñ donoñ apnī zidoñ pe 'Mohsin'
Chale gā paanī magar kināra nahīñ chale gā
شاعر کے بارے میں
سید محسن نقوی (اصل نام: سید غلام عباس نقوی) اردو کے ان ممتاز اور اثر انگیز شعرا میں شمار ہوتے ہیں جنہوں نے مختصر عمر میں گہرا اور دیرپا ادبی نقش چھ...
مکمل تعارف پڑھیں