بھڑکائیں مری پیاس کو اکثر تری آنکھیں — محسن نقوی
شاعر
بھڑکائیں مری پیاس کو اکثر تری آنکھیں
بھڑکائیں مری پیاس کو اکثر تری آنکھیں
صحرا مرا چہرا ہے سمندر تری آنکھیں
پھر کون بھلا داد تبسم انہیں دے گا
روئیں گی بہت مجھ سے بچھڑ کر تری آنکھیں
خالی جو ہوئی شام غریباں کی ہتھیلی
کیا کیا نہ لٹاتی رہیں گوہر تیری آنکھیں
بوجھل نظر آتی ہیں بظاہر مجھے لیکن
کھلتی ہیں بہت دل میں اتر کر تری آنکھیں
اب تک مری یادوں سے مٹائے نہیں مٹتا
بھیگی ہوئی اک شام کا منظر تری آنکھیں
ممکن ہو تو اک تازہ غزل اور بھی کہہ لوں
پھر اوڑھ نہ لیں خواب کی چادر تری آنکھیں
میں سنگ صفت ایک ہی رستے میں کھڑا ہوں
شاید مجھے دیکھیں گی پلٹ کر تری آنکھیں
یوں دیکھتے رہنا اسے اچھا نہیں محسنؔ
وہ کانچ کا پیکر ہے تو پتھر تری آنکھیں
Bhaṛkā.eñ merī pyās ko aksar terī āñkheñ
Bhaṛkā.eñ merī pyās ko aksar terī āñkheñ
Sahrā merā chehra hai samundar terī āñkheñ
Phir kaun bhalā dād-e-tabassum unheñ de gā
Ro.eñgī bahut mujh se bichhaṛ kar terī āñkheñ
Khālī jo huī shām-e-ġharībāñ kī hathelī
Kyā kyā na luṭātī rahīñ gauhar terī āñkheñ
Bojhal nazar ātī haiñ ba-zāhir mujhe lekin
Khultī haiñ bahut dil meñ utar kar terī āñkheñ
Ab tak merī yādoñ se miṭā.e nahīñ miṭtā
Bhīgī huī ik shām kā manzar terī āñkheñ
Mumkin ho to ik tāza ġhazal aur bhī keh lūñ
Phir oṛh na leñ ḳhvāb kī chādar terī āñkheñ
Maiñ sang-sifat ek hī raste meñ khaṛā hūñ
Shāyad mujhe dekheñgī palaṭ kar terī āñkheñ
Yūñ dekhte rahnā use achchhā nahīñ 'Mohsin'
Vo kāñch kā paikar hai to patthar terī āñkheñ
شاعر کے بارے میں
سید محسن نقوی (اصل نام: سید غلام عباس نقوی) اردو کے ان ممتاز اور اثر انگیز شعرا میں شمار ہوتے ہیں جنہوں نے مختصر عمر میں گہرا اور دیرپا ادبی نقش چھ...
مکمل تعارف پڑھیں