ہم جو پہنچے سر مقتل تو یہ منظر دیکھا — محسن نقوی
شاعر
ہم جو پہنچے سر مقتل تو یہ منظر دیکھا
ہم جو پہنچے سر مقتل تو یہ منظر دیکھا
سب سے اونچا تھا جو سر نوک سناں پر دیکھا
ہم سے مت پوچھ کہ کب چاند ابھرتا ہے یہاں
ہم نے سورج بھی ترے شہر میں آ کر دیکھا
ایسے لپٹے ہیں در و بام سے اب کے جیسے
حادثوں نے بڑی مدت میں مرا گھر دیکھا
اب یہ سوچا ہے کہ اوروں کا کہا مانیں گے
اپنی آنکھوں پہ بھروسا تو بہت کر دیکھا
ایک اک پل میں اترتا رہا صدیوں کا عذاب
ہجر کی رات گزاری ہے کہ محشر دیکھا
مجھ سے مت پوچھ مری تشنہ لبی کے تیور
ریت چمکی تو یہ سمجھو کہ سمندر دیکھا
دکھ ہی ایسا تھا کہ محسنؔ ہوا گم سم ورنہ
غم چھپا کر اسے ہنستے ہوئے اکثر دیکھا
Ham jo pahuñche sar-e-maqtal to ye manzar dekhā
Ham jo pahuñche sar-e-maqtal to ye manzar dekhā
Sab se ūñchā thā jo sar nok-e-sanāñ par dekhā
Ham se mat pūchh ki kab chāñd ubhartā hai yahāñ
Ham ne sūraj bhī tere shahr meñ ā kar dekhā
Aise lipte haiñ dar-o-bām se ab ke jaise
Hādsāñ ne baṛī muddat meñ merā ghar dekhā
Ab ye sochā hai ki auroñ kā kahā māneñge
Apnī āñkhoñ pe bharosā to bahut kar dekhā
Ek ik pal meñ utartā rahā sadiyoñ kā azāb
Hijr kī raat guzārī hai ki mahshar dekhā
Mujh se mat pūchh merī tishna-labī ke tevar
Ret chamkī to ye samjho ki samundar dekhā
Dukh hī aisā thā ki 'Mohsin' huā gum-sum varna
Gham chhupā kar use hanste hue aksar dekhā
شاعر کے بارے میں
سید محسن نقوی (اصل نام: سید غلام عباس نقوی) اردو کے ان ممتاز اور اثر انگیز شعرا میں شمار ہوتے ہیں جنہوں نے مختصر عمر میں گہرا اور دیرپا ادبی نقش چھ...
مکمل تعارف پڑھیں