اتنی مدت بعد ملے ہو — محسن نقوی
شاعر
اتنی مدت بعد ملے ہو
اتنی مدت بعد ملے ہو
کن سوچوں میں گم پھرتے ہو
اتنے خائف کیوں رہتے ہو
ہر آہٹ سے ڈر جاتے ہو
تیز ہوا نے مجھ سے پوچھا
ریت پہ کیا لکھتے رہتے ہو
کاش کوئی ہم سے بھی پوچھے
رات گئے تک کیوں جاگے ہو
میں دریا سے بھی ڈرتا ہوں
تم دریا سے بھی گہرے ہو
کون سی بات ہے تم میں ایسی
اتنے اچھے کیوں لگتے ہو
پیچھے مڑ کر کیوں دیکھا تھا
پتھر بن کر کیا تکتے ہو
جاؤ جیت کا جشن مناؤ
میں جھوٹا ہوں تم سچے ہو
اپنے شہر کے سب لوگوں سے
میری خاطر کیوں الجھے ہو
کہنے کو رہتے ہو دل میں
پھر بھی کتنے دور کھڑے ہو
رات ہمیں کچھ یاد نہیں تھا
رات بہت ہی یاد آئے ہو
ہم سے نہ پوچھو ہجر کے قصے
اپنی کہو اب تم کیسے ہو
محسنؔ تم بدنام بہت ہو
جیسے ہو پھر بھی اچھے ہو
Itnī muddat ba'd mile ho
Itnī muddat ba'd mile ho
Kin sochoñ meñ gum phirte ho
Itne ḳhā.if kyuñ rahte ho
Har āhaṭ se ḍar jaate ho
Tez havā ne mujh se pūchhā
Ret pe kyā likhte rahte ho
Kāsh koī ham se bhī pūchhe
Rāt ga.e tak kyuñ jāge ho
Maiñ daryā se bhī ḍartā hūñ
Tum daryā se bhī gahre ho
Kaun sī bāt hai tum meñ aisī
Itne achchhe kyuñ lagte ho
Pīchhe muṛ kar kyuñ dekhā thā
Patthar ban kar kyā takte ho
Jā.o jīt kā jashn manāo
Maiñ jhūTā hūñ tum sachche ho
Apne shahr ke sab logoñ se
Merī ḳātir kyuñ uljhe ho
Kahne ko rahte ho dil meñ
Phir bhī kitne dūr khaṛe ho
Rāt hameñ kuchh yād nahīñ thā
Rāt bahut hī yād aa.e ho
Ham se na pūchho hijr ke qisse
Apnī kaho ab tum kaise ho
'Mohsin' tum badnām bahut ho
Jaise ho phir bhī achchhe ho
شاعر کے بارے میں
سید محسن نقوی (اصل نام: سید غلام عباس نقوی) اردو کے ان ممتاز اور اثر انگیز شعرا میں شمار ہوتے ہیں جنہوں نے مختصر عمر میں گہرا اور دیرپا ادبی نقش چھ...
مکمل تعارف پڑھیں