قتل چھپتے تھے کبھی سنگ کی دیوار کے بیچ — محسن نقوی
شاعر
قتل چھپتے تھے کبھی سنگ کی دیوار کے بیچ
قتل چھپتے تھے کبھی سنگ کی دیوار کے بیچ
اب تو کھلنے لگے مقتل بھرے بازار کے بیچ
اپنی پوشاک کے چھن جانے پہ افسوس نہ کر
سر سلامت نہیں رہتے یہاں دستار کے بیچ
سرخیاں امن کی تلقین میں مصروف رہیں
حرف بارود اگلتے رہے اخبار کے بیچ
کاش اس خواب کی تعبیر کی مہلت نہ ملے
شعلے اگتے نظر آئے مجھے گلزار کے بیچ
ڈھلتے سورج کی تمازت نے بکھر کر دیکھا
سر کشیدہ مرا سایا صف اشجار کے بیچ
رزق ملبوس مکاں سانس مرض قرض دوا
منقسم ہو گیا انساں انہی افکار کے بیچ
دیکھے جاتے نہ تھے آنسو مرے جس سے محسنؔ
آج ہنستے ہوئے دیکھا اسے اغیار کے بیچ
Qatl chhupte the kabhī sang kī dīvār ke bīch
Qatl chhupte the kabhī sang kī dīvār ke bīch
Ab to khulne lage maqtal bhare bāzār ke bīch
Apnī poshāk ke chhin jāne pe afsos na kar
Sar salāmat nahīñ rahte yahāñ dastār ke bīch
Surḳhiyāñ amn kī talqīn meñ masrūf rahīñ
Harf bārūd ugalte rahe aḳhbār ke bīch
Kāsh us ḳhvāb kī ta'bīr kī mohlat na mile
Sho'le ugte nazar aa.e mujhe gulzār ke bīch
Ḍhalte sūraj kī tamāzat ne bikhar kar dekhā
Sar-kashīda merā sāya saf-e-ashjār ke bīch
Rizq malbūs makāñ sāñs maraz qaraz davā
Munqasim ho gayā insāñ inhī afkār ke bīch
Dekhe jaate na the āñsū mere jis se 'Mohsin'
Aaj hanste hue dekhā use aġhyār ke bīch
شاعر کے بارے میں
سید محسن نقوی (اصل نام: سید غلام عباس نقوی) اردو کے ان ممتاز اور اثر انگیز شعرا میں شمار ہوتے ہیں جنہوں نے مختصر عمر میں گہرا اور دیرپا ادبی نقش چھ...
مکمل تعارف پڑھیں