یہ دل یہ پاگل دل مرا کیوں بجھ گیا آوارگی — محسن نقوی
شاعر
یہ دل یہ پاگل دل مرا کیوں بجھ گیا آوارگی
یہ دل یہ پاگل دل مرا کیوں بجھ گیا آوارگی
اس دشت میں اک شہر تھا وہ کیا ہوا آوارگی
کل شب مجھے بے شکل کی آواز نے چونکا دیا
میں نے کہا تو کون ہے اس نے کہا آوارگی
لوگو بھلا اس شہر میں کیسے جئیں گے ہم جہاں
ہو جرم تنہا سوچنا لیکن سزا آوارگی
یہ درد کی تنہائیاں یہ دشت کا ویراں سفر
ہم لوگ تو اکتا گئے اپنی سنا آوارگی
اک اجنبی جھونکے نے جب پوچھا مرے غم کا سبب
صحرا کی بھیگی ریت پر میں نے لکھا آوارگی
اس سمت وحشی خواہشوں کی زد میں پیمان وفا
اس سمت لہروں کی دھمک کچا گھڑا آوارگی
کل رات تنہا چاند کو دیکھا تھا میں نے خواب میں
محسنؔ مجھے راس آئے گی شاید سدا آوارگی
Ye dil ye paagal dil mera kyun bujh gaya aawaargi
Ye dil ye paagal dil mera kyun bujh gaya aawaargi
Is dasht mein ek shahr tha wo kya hua aawaargi
Kal shab mujhe be-shakl ki aawaaz ne chaunka diya
Maine kaha tu kaun hai usne kaha aawaargi
Logo bhala is shahr mein kaise jiyenge hum jahan
Ho jurm tanha sochna lekin saza aawaargi
Ye dard ki tanhaiyan ye dasht ka veeraan safar
Hum log to ukta gaye apni suna aawaargi
Ek ajnabi jhonke ne jab poocha mere gham ka sabab
Sahra ki bheegi ret par maine likha aawaargi
Is samt wahshi khwahishon ki zad mein paiman-e-wafa
Is samt lahron ki dhamak kachcha ghaṛa aawaargi
Kal raat tanha chaand ko dekha tha maine khwab mein
Mohsinؔ mujhe raas aayegi shayad sada aawaargi
شاعر کے بارے میں
سید محسن نقوی (اصل نام: سید غلام عباس نقوی) اردو کے ان ممتاز اور اثر انگیز شعرا میں شمار ہوتے ہیں جنہوں نے مختصر عمر میں گہرا اور دیرپا ادبی نقش چھ...
مکمل تعارف پڑھیں