زخم کے پھول سے تسکین طلب کرتی ہے — محسن نقوی
شاعر
زخم کے پھول سے تسکین طلب کرتی ہے
زخم کے پھول سے تسکین طلب کرتی ہے
بعض اوقات مری روح غضب کرتی ہے
جو تری زلف سے اترے ہوں مرے آنگن میں
چاندنی ایسے اندھیروں کا ادب کرتی ہے
اپنے انصاف کی زنجیر نہ دیکھو کہ یہاں
مفلسی ذہن کی فریاد بھی کب کرتی ہے
صحن گلشن میں ہواؤں کی صدا غور سے سن
ہر کلی ماتم صد جشن طرب کرتی ہے
صرف دن ڈھلنے پہ موقوف نہیں ہے محسنؔ
زندگی زلف کے سائے میں بھی شب کرتی ہے
محسن نقوی
Zakhm ke phool se taskeen talab karti hai
Zakhm ke phool se taskeen talab karti hai
Baaz auqaat meri rooh ghazab karti hai
Jo teri zulf se utre hon mere aangan mein
Chandni aise andheron ka adab karti hai
Apne insaaf ki zanjeer na dekho ke yahan
Muflisi zehn ki faryaad bhi kab karti hai
Sehn-e-gulshan mein hawaaon ki sada ghaur se sun
Har kali maatam-e-sad jashn-e-tarab karti hai
Sirf din ḍhalne pe mauqoof nahin hai Mohsinؔ
Zindagi zulf ke saaye mein bhi shab karti hai
شاعر کے بارے میں
سید محسن نقوی (اصل نام: سید غلام عباس نقوی) اردو کے ان ممتاز اور اثر انگیز شعرا میں شمار ہوتے ہیں جنہوں نے مختصر عمر میں گہرا اور دیرپا ادبی نقش چھوڑا۔ وہ 5 مئی 1947ء کو ڈیرہ غازی خان میں پیدا ہوئے۔ ابتدائی تعلیم اپنے آبائی شہر میں حاصل کی، بعد ازاں ملتان سے گریجویشن اور پنجاب یونیورسٹی لاہور سے ایم اے اردو کیا۔ تعلیم کے دوران ہی ان کی شاعرانہ ص...
مکمل تعارف پڑھیں