دکھا رہی ہے جہاں دھوپ اب اثر اپنا — محسن زیدی
شاعر
دکھا رہی ہے جہاں دھوپ اب اثر اپنا
دکھا رہی ہے جہاں دھوپ اب اثر اپنا
بکھیرتا تھا وہیں سایہ اک شجر اپنا
پھلوں کا اب کے بھی پہلے سے ہو گیا سودا
درخت چھو نہ سکیں گے کوئی ثمر اپنا
بہت ہی تیز تھا خنجر ہوا کے ہاتھوں میں
بچا سکا کوئی طائر نہ بال و پر اپنا
کبھی جو سامنے آیا تو چھپ گیا ہوں کبھی
یہ ایک کھیل رہا خود سے عمر بھر اپنا
ابھی تو باقی ہیں منزل کی ٹھوکریں کچھ اور
یہیں پہ ختم نہیں ہے ابھی سفر اپنا
یہ کون شمع لئے پیش پیش چلتا رہا
دکھائی بھی نہ دیا کون تھا خضر اپنا
نظام جبر کی وہ کر رہا ہے پھر توسیع
بڑھا رہا ہے وہ پھر حلقۂ اثر اپنا
کوئی نہیں ہے جو شمشیر چھین لے اس سے
چھپائے پھرتا ہے ہر ایک شخص سر اپنا
کسی پہ کھلتا بھی کیا اپنا کرب غم محسنؔ
نہ کوئی مرثیہ خواں تھا نہ نوحہ گر اپنا
Dikha rahi hai jahan dhoop ab asar apna
Dikha rahi hai jahan dhoop ab asar apna
Bikherata tha wahin saya ik shajar apna
Phalon ka ab ke bhi pehle se ho gaya sauda
Darakht chhoo na sakenge koi samar apna
Bahut hi tez tha khanjar hawa ke haathon mein
Bacha saka koi taair na baal-o-par apna
Kabhi jo saamne aaya to chhup gaya hoon kabhi
Ye ek khel raha khud se umr bhar apna
Abhi to baqi hain manzil ki thokarein kuchh aur
Yahin pe khatm nahin hai abhi safar apna
Ye kaun shama liye pesh pesh chalta raha
Dikhayi bhi na diya kaun tha Khizr apna
Nizam-e-jabr ki wo kar raha hai phir tau'see
Badha raha hai wo phir halqa-e-asar apna
Koi nahin hai jo shamshir chheen le us se
Chhupaye phirta hai har ek shakhs sar apna
Kisi pe khulta bhi kya apna karb-e-gham Mohsin
Na koi marsiya khwan tha na nauha gar apna
شاعر کے بارے میں
محسن زیدی، پورا نام سید محسن رضا زیدی اور قلمی نام محسن، اردو غزل کے ایک معتبر اور باوقار شاعر تھے۔ ان کی پیدائش 10 جولائی 1935ء کو بہرائچ، اتر پرد...
مکمل تعارف پڑھیں