پہلے فلک سے فرش پہ پھینکا گیا مجھے — محسن زیدی
شاعر
پہلے فلک سے فرش پہ پھینکا گیا مجھے
پہلے فلک سے فرش پہ پھینکا گیا مجھے
پھر مجھ سے روشناس کرایا گیا مجھے
میری صدا پہ کب مجھے آواز دی گئی
اک اجنبی صدا پہ پکارا گیا مجھے
میں گر چکا تھا اپنے ہی اوج نگاہ سے
دنیا کی جب نگاہ میں لایا گیا مجھے
لپٹی ہوئی کتاب تھا اک گرد پوش میں
لیکن ورق ورق کوئی پھیلا گیا مجھے
محسنؔ میں خوش تھا سوچ کے آئینہ گر ہوں میں
آئینہ جب تلک نہ دکھایا گیا مجھے
Pehle Falak Se Farsh Pe Phenka Gaya Mujhe
Pehle falak se farsh pe phenka gaya mujhe
Phir mujh se rooshnaas karaaya gaya mujhe
Meri sada pe kab mujhe aawaaz di gayi
Ik ajnabi sada pe pukaara gaya mujhe
Main gir chuka tha apne hi auj e nigaah se
Duniya ki jab nigaah mein laaya gaya mujhe
Lipti hui kitaab tha ik gard-posh mein
Lekin waraq waraq koi phaila gaya mujhe
Mohsinؔ main khush tha soch ke aaina gar hoon main
Aaina jab talak na dikhaaya gaya mujhe
شاعر کے بارے میں
محسن زیدی، پورا نام سید محسن رضا زیدی اور قلمی نام محسن، اردو غزل کے ایک معتبر اور باوقار شاعر تھے۔ ان کی پیدائش 10 جولائی 1935ء کو بہرائچ، اتر پرد...
مکمل تعارف پڑھیں