کیا دیکھتے ہو راہ میں رک کر یہاں وہاں — محسن زیدی
شاعر
کیا دیکھتے ہو راہ میں رک کر یہاں وہاں
کیا دیکھتے ہو راہ میں رک کر یہاں وہاں
ہے قتل و خوں کا ایک سا منظر یہاں وہاں
زیر نگیں اسی کے سبھی قریہ و دیار
اس کے ہی سب ہیں خیمہ و لشکر یہاں وہاں
ہے درمیان خنجر و سر فاصلے کا فرق
ورنہ سروں پہ ہے وہی خنجر یہاں وہاں
شیشے کے سب مکاں ہیں شکستہ ادھر ادھر
بکھرے پڑے ہیں شہر میں پتھر یہاں وہاں
محفوظ رہ گیا نہ کوئی راستہ نہ موڑ
جایا کرو نہ گھر سے نکل کر یہاں وہاں
لگتا ہے اب الٹنے کو ہے یہ بساط شب
سرگوشیاں یہی ہیں برابر یہاں وہاں
محسنؔ عجیب حبس کا عالم ہے اور میں
کوئی دریچہ ہے نہ کوئی در یہاں وہاں
Kya dekhte ho raah mein ruk kar yahan wahan
Kya dekhte ho raah mein ruk kar yahan wahan
Hai qatl-o-khoon ka ek sa manzar yahan wahan
Zair-e-nageen usi ke sabhi qariya-o-dayaar
Us ke hi sab hain khaima-o-lashkar yahan wahan
Hai darmiyan-e-khanjar-o-sar faasle ka farq
Warna saron pe hai wahi khanjar yahan wahan
Sheeshe ke sab makaan hain shikasta idhar udhar
Bikhre pade hain shahr mein patthar yahan wahan
Mehfooz reh gaya na koi raasta na mod
Jaaya karo na ghar se nikal kar yahan wahan
Lagta hai ab ultane ko hai ye basaat-e-shab
Sargoshiyan yehi hi hain barabar yahan wahan
Mohsin ajab habs ka aalam hai aur main
Koi dareecha hai na koi dar yahan wahan
شاعر کے بارے میں
محسن زیدی، پورا نام سید محسن رضا زیدی اور قلمی نام محسن، اردو غزل کے ایک معتبر اور باوقار شاعر تھے۔ ان کی پیدائش 10 جولائی 1935ء کو بہرائچ، اتر پرد...
مکمل تعارف پڑھیں