یہ جور اہل عزا پر مزید کرتے رہے — محسن زیدی
شاعر
یہ جور اہل عزا پر مزید کرتے رہے
یہ جور اہل عزا پر مزید کرتے رہے
ستم شعار محرم میں عید کرتے رہے
ہمارے دم سے رہا دور بادہ پیمائی
کہ اپنے خون سے ہم مے کشید کرتے رہے
گلہ تو یہ ہے کہ جتنے امیر شہر ہوئے
غریب شہر کو سب ناامید کرتے رہے
کیا ہے ہم نے ہمیشہ ہی کاروبار زیاں
کہ سستا بیچ کے مہنگا خرید کرتے رہے
کسی سے شہر خموشاں میں کہتے سنتے کیا
ہم اپنے آپ سے گفت و شنید کرتے رہے
وہ زیر خنجر قاتل نہ تھا گلو کوئی
وہ اک خیال تھا جس کو شہید کرتے رہے
مرا کلام تو کیا ناقدین فن محسنؔ
کلام حق میں بھی قطع و برید کرتے رہے
Yeh jaur-e-ahl-e-aza par mazeed karte rahe
Yeh jaur-e-ahl-e-aza par mazeed karte rahe
Sitam sha'ar Muharram mein Eid karte rahe
Hamare dam se raha door baada-paimaai
Ke apne khoon se hum mai kashid karte rahe
Gila to yeh hai ke jitne ameer-e-shehr hue
Ghareeb-e-shehr ko sab naa-umeed karte rahe
Kiya hai hum ne hamesha hi kaarobar-e-ziyan
Ke sasta bech ke mehnga khareed karte rahe
Kisi se shehr-e-khamoshan mein kehte sunte kya
Hum apne aap se guft o shaneed karte rahe
Woh zeere-e-khanjar-e-qatil na tha galoo koi
Woh ik khayal tha jisko shaheed karte rahe
Mera kalaam to kya naqideen-e-fun Mohsin
Kalaam-e-haq mein bhi qata'a o bareed karte rahe
شاعر کے بارے میں
محسن زیدی، پورا نام سید محسن رضا زیدی اور قلمی نام محسن، اردو غزل کے ایک معتبر اور باوقار شاعر تھے۔ ان کی پیدائش 10 جولائی 1935ء کو بہرائچ، اتر پرد...
مکمل تعارف پڑھیں