دیکھ لو شوق نا تمام مرا — مومن خان مومن
شاعر
دیکھ لو شوق نا تمام مرا
دیکھ لو شوق نا تمام مرا
غیر لے جائے ہے پیام مرا
بے اثر ہے فغان خون آلود
کیوں نہ ہوئے خراب کام مرا
آتشیں خو سے آرزوئے وصال
پک گیا اب خیال خام مرا
دیکھنا کثرت بلا نوشی
کاسۂ آسماں ہے جام مرا
رتبہ افتادگی کا دیکھو ہے
عرش کے بھی پرے مقام مرا
کس صنم کو چھڑا دیا واعظ
لے خدا تجھ سے انتقام مرا
ہو کے یوسف جو دل چراتے ہو
کون ہو جائے گا غلام مرا
اس لب لعل کی شکایت ہے
کیونکہ رنگیں نہ ہو کلام مرا
تو نے رسوا کیا مجھے اب تک
کوئی بھی جانتا تھا نام مرا
زانوئے بت پہ جان دی دیکھا
مومنؔ انجام و اختتام مرا
بندگی کام آ رہی آخر
میں نہ کہتا تھا کیوں سلام مرا
Dekh lo shauq-e-na-tamam mira
Dekh lo shauq-e-na-tamam mira
Ghair le jaae hai payam mira
Be-asar hai fughan-e-khoon-alood
Kyun na hue kharab kaam mira
Aatishin kho se aarzoo-e-visal
Pak gaya ab khayal-e-kham mira
Dekhna kasrat-e-bala-noshi
Kasa-e-aasman hai jaam mira
Rutba uftadgi ka dekho hai
Arsh ke bhi pare maqam mira
Kis sanam ko chhudwa diya waiz
Le khuda tujh se intiqam mira
Ho ke Yusuf jo dil churane ho
Kaun ho jaayega ghulam mira
Is lab-e-la'l ki shikayat hai
Kyunki rangin na ho kalam mira
Tu ne ruswa kiya mujhe ab tak
Koi bhi jaanta tha naam mira
Zanou-e-but pe jaan di dekha
Momin! anjaam o ikhtitam mira
Bandagi kaam aa rahi aakhir
Main na kehta tha kyun salam mira
شاعر کے بارے میں
مومن خان مومن اردو کے کلاسیکی عہد کے اُن ممتاز شعرا میں شمار ہوتے ہیں جنہوں نے غزل کو نیا ذوق، نئی لطافت اور گہری جذباتی معنویت عطا کی۔ ان کا اصل ن...
مکمل تعارف پڑھیں