گر غیر کے گھر سے نہ دل آرام نکلتا — مومن خان مومن
شاعر
گر غیر کے گھر سے نہ دل آرام نکلتا
گر غیر کے گھر سے نہ دل آرام نکلتا
دم کاہے کو یوں اے دل ناکام نکلتا
میں وہم سے مرتا ہوں وہاں رعب سے اس کے
قاصد کی زباں سے نہیں پیغام نکلتا
کرتے جو مجھے یاد شب وصل عدو تم
کیا صبح کہ خورشید نہ تا شام نکلتا
جب جانتے تاثیر کہ دشمن بھی وہاں سے
اپنی طرح اے گردش ایام نکلتا
ہر ایک سے اس بزم میں شب پوچھتے تھے نام
تھا لطف جو کوئی مرا ہم نام نکلتا
کیوں کام طلب ہے مرے آزار سے گردوں
ناکام سے دیکھا ہے کہیں کام نکلتا
تھی نوحہ زنی دل کے جنازے پہ ضروری
شاید کہ وہ گھبرا کے سر بام نکلتا
کانٹا سا کھٹکتا ہے کلیجے میں غم ہجر
یہ خار نہیں دل سے گل اندام نکلتا
حوریں نہیں مومنؔ کے نصیبوں میں جو ہوتیں
بت خانے ہی سے کیوں یہ بد انجام نکلتا
Gar ghair ke ghar se na dil araam nikalta
Gar ghair ke ghar se na dil araam nikalta
Dam kaahe ko yun ae dil-e-nakaam nikalta
Main wahm se marta hoon wahan ra'ab se us ke
Qaasid ki zubaan se nahin paighaam nikalta
Karte jo mujhe yaad shab-e-wasl-e-adoo tum
Kya subh ke khursheed na taa shaam nikalta
Jab jaante taaseer ke dushman bhi wahan se
Apni tarah ae gardish-e-ayyam nikalta
Har ek se us bazm mein shab poochhte the naam
Tha lutf jo koi mera hamnaam nikalta
Kyun kaam talab hai mere azaar se gardoon
Nakaam se dekha hai kahin kaam nikalta
Thi nauha zani dil ke janaze pe zaroori
Shayad ke woh ghabra ke sar-e-baam nikalta
Kaanta sa khatakta hai kaleje mein gham-e-hijr
Yeh khaar nahin dil se gul-andaam nikalta
Hoorein nahin Momin ke naseebon mein jo hotin
But-khane hi se kyun yeh bad-anjaam nikalta
شاعر کے بارے میں
مومن خان مومن اردو کے کلاسیکی عہد کے اُن ممتاز شعرا میں شمار ہوتے ہیں جنہوں نے غزل کو نیا ذوق، نئی لطافت اور گہری جذباتی معنویت عطا کی۔ ان کا اصل ن...
مکمل تعارف پڑھیں